от Оғиз бўшлиғининг юқори девори; қаттиқ ва юмшоқ танглайдан иборат бўлиб, оғиз бўшлиғини бурун бўшлиғидан ажратиб туради.
Қаттиқ танглай. Юмшоқ танглай. Тилни танглайга тегизмоқ.
Секин шафтолининг пўстини арчсанг, оғзингга солиб, тилинг билан танглайингга боссанг-у, сувини қулт-қулт юцанг. — А. Қаҳҳор, Кўк конверт
- Танглайи тақиллаб кетди ёки танглайи қуриди Ортиқ сувсаб, томоғи қақраб кетди. [Қудратнинг] Лаблари қовжираган, танглайи қуриган, ранглари ўчган эди. — З. Фатхуллин, Сўнмас юлдуз
- Танглайини кўтармоқ (ёки босмоқ)
- Танглайини... билан кўтарган Бирикма таркибидаги “билан” кўмакчиси билан боғланган сўз англатган нарса, гап-сўз (уни қилиш, айтиш, қўллаш) шахсга ёшликдан одат эканлигини, ёшликдан тегган касал эканини билдиради (қўндоқда тегган ибораси маъносига яқин маъно билдиради). Унинг танглайини пул билан кўтарган.Танглайини сўкиш билан кўтарган (Кўп сўкинадиган, сўкиниб гапирадиган шахсга нисбатан қўлланади).
- Танглайини тақиллатмоқ Танглай билан тил орасидан тақиллаган овоз чиқармоқ (ҳайрат, инкор ва шу кабилар маънолар ифодалаш учун). — Ҳеч кимда ёʻқми-а? — паришон бир ҳолда сўради Бувинисо. Кўзлари милтиллаган бола, гапиришга мадорсиздек, танглайини тақиллатиб, бош чайқади. — П. Турсун, Ўқитувчи
- Тили танглайига ёпишмоқ Ҳаяжон, ғазаб, қўрқув ва шу кабилар сабаблар туфайли гапиролмай қолмоқ. Маҳмуджонни муздек тер босди. Нимадир демоқчи эди, тили танглайига ёпишди. — Муштум