Qidiruv

ot 1. fiziol. Tashqi taʼsirni sezish, his etish, qabul qilib olish qobiliyati; sezgi.

Tuygʻu yordamida biz issiqni yoki sovuqni sezamiz.

Quyonning tuygʻu aʼzolari terida tamomlanadigan nerv uchlaridan iborat. — Zoologiya

2. Ruhiy yoki jismoniy kechinmalar, his-tuygʻular majmui; his-tuygʻu, his-hissiyot.

Nafis tuygʻu. Ishonch tuygʻusi. Doʻstlik tuygʻusi. Ogʻriq tuygʻusi. Yurakni gʻash qilayotgan tuygʻu.

Rashk, menimcha, mana shu haqoratning alami va shundan kelib chiqadigan tuygʻu. — A. Qahhor, Qoʻshchinor chiroqlari

Otasining saltanat oldida katta hurmatga ega ekani Badianing qalbiga ham fidoyilik tuygʻularini solgan edi. — Mirmuhsin, Meʼmor

Oraga jimlik choʻkib, tuygʻularni soʻndirdi. — K. Yashin, Hamza

sft. 1. Tez sezib, fahmlab, payqab oladigan; sezgir.

Tuygʻun bola.

Hamza onasidek tuygʻun, har narsaga qiziquvchi bola boʻlgan. — OʻTA

Bunday tuygʻun, bunday ziyrak, bunday boadab qiz yetti iqlimda ham topilmaydi. — Oybek, Tanlangan asarlar

2. Tuygʻun (erkaklar ismi).

sft. Sezish, his etish qobiliyati kuchli; sezuvchan.

Nafis tuygʻuli qiz.

sft. Sezish, his etish qobiliyati yoʻq yoki kuchsiz; hissiz, sezmaydigan.

Tebranolmay faqat men yotaman Oʻz oʻrnimda yarim tuygʻusiz. — O. Yunus

ot His va tuygʻu; hislar, hissiyot.

Hayot voqealarining kuchli taʼsiri ostida qoʻzgʻalgan his-tuygʻu, ichki kechinma, fikrlarni ifoda etuvchi asarlarga lirik asar deyiladi. — Adabiyot nazariyasi

U chindan ham Muhammadjonni va oʻzining u haqdagi his-tuygʻularini yaxshi bilmas edi. — P. Qodirov, Uch ildiz

Yillar oʻtgan sari shoir ijodida fikrlar ufqi kengayib, his-tuygʻular tobora serjilo boʻlib boradi. — U. Normatov, Koʻngillarga koʻchgan sheʼriyat