fl. 1. Topmoq feʼlining birgalik nisbati.
Bolalar yangi oʻyin oʻylab topishibdi. Uni ishxonasidan topishdi.
2. Uchrashmoq, yoʻliqmoq; bir-birini topmoq.
Ot kishnashib topishar, odam — eslashib. — Maqol
— Bu yogʻi oʻzingga maʼlum, singlim, — xoʻrsinib gapida davom etdi akam, — biz dadam bilan qoʻqqisdan bolalar uyida topishdik. — Gazetadan
Ikki oʻrtoq ishxonada tasodifan topishib qolishdi, bola-chaqa, qozon-tovoq, sigir-buzoqqacha soʻrashishdi. — Mushtum
3. Oʻzaro til topib, kelishib bir boʻlib olmoq, inoqlashmoq.
Oʻqituvchi soʻrab baʼzi maktablardan kelishgan vakillar oʻzlariga teggan yosh oʻqituvchilar bilan darrov eski qadrdonlar kabi topishib olishdi. — P. Tursun, Oʻqituvchi
Hanifa Namozov bilan oʻz erkicha topishmagan, balki eski urf-odat boʻyicha uni nikohlab, erga topshirgan boʻlsalar kerak. — S. Anorboyev, Mehr
- Til topishmoq Elakishmoq, doʻstlashmoq. Murodjon Nabijonov boʻlsa, quvnoq, kamtar bir yigit ekan. Bir nafasda biz bilan til topishib, doʻstlashib oldi. — Gʻayratiy, Uzoqdagi yorKomiljon bu yerdagilar bilan til topishib, ogʻa-iniday boʻlib ketdi. — J. Abdullaxonov, Xonadon