«ТЎХТАМ» бўйича 16 та натижа: Изоҳли
от 1. Қарор, ҳукм.
Хўжабеков кейинги вақтда кўп ўйлади. Ниҳоят, Шербек жиддий хавфли рақиб деган тўхтамга келди. — С. Анорбоев, Оқсой
Аҳмаджон чарчади. Аммо тобора чувалашиб кетаётган хаёлига бирор қатъий тўхтамга олиб келадиган фикр келмади. — С. Кароматов, Ҳижрон
2. Битишув, келишув, битим.
Тошкентдалигимда ташкилотимизнинг бошқа раҳбарлари билан шундай тўхтамга келдик. — А. Ҳакимов, Илон ишдан
фл. 1. Давом этмай қўймоқ, давомдан қолмоқ.
Иш тўхтади. Гап тўхтади. Отишма тўхтади. Шамол тўхтади. Ёмғир тўхтади. Сув тўхтади.
Оёқ товуши тўхтаб, нариги ёқдан уста Олимнинг товуши келди. — А. Қодирий, Ўтган кунлар
Вужудини қақшатиб турган тиш оғриғи бирдан тўхтагандай, Сидиқжоннинг кўзи ялт этиб очилиб кетди. — А. Қаҳҳор, Қўшчинор чироқлари
Тўхтаб қолган, қовжираган булоқлар Шарақ-шарақ яна қайнаб чиқмишдир. — Ғайратий
2. Ўз ишини, ҳаракатини, фаолиятини бас қилмоқ, юрмай, ишламай қўймоқ.
Соат тўхтади. Вентилятор тўхтаб қолди.
[Отабек] Икки йилдан бери тўхтаб қолган савдогарчилик ишини қайтадан бошламоқчи эди. — А. Қодирий, Ўтган кунлар
Ёʻлчи санқиб юриб, анҳор ёқасида тўхтади. — Ойбек, Танланган асарлар
3. Иш-фаолият, ҳаракатда узилиш қилмоқ, тўхтам ҳосил бўлмоқ.
Элмурод отин-ойининг дўқи билан йиғидан тўхтади. — П. Турсун, Ўқитувчи
Шарофатхон, бир зум тўхтаб, атрофга қаради, сўнг товушини пасайтириб давом этди. — Ойбек, Танланган асарлар
Орада ёцирашга ўхшаш бир ҳол, нима учундир бир сўзлаб, икки тўхтар эдилар. — А. Қодирий, Ўтган кунлар
4. Сафарда, ёʻлда бирор ерга қўнмоқ, тушмоқ; қўнган, тушган, борган ерида маълум вақт бўлмоқ, турмоқ.
Баталон ярим кечада хароба бир қишлоққа келиб тўхтади. — Ойбек, Қуёш қораймас
У [Отабек] Марғилонда кўп тўхтамас, бир кун, узоққа тор-тилса, икки-уч кун туриб қайтар эди. — А. Қодирий, Ўтган кунлар
5. Туриб қолмоқ, сақланмоқ.
Унинг қўлида пул ҳеч тўхтамайди. Керакли мол магазинда тўхтаб қолмайди. Сув қаттиқ ерда тўхтар. — Мақол
6. Қарор қилмоқ, қарорга, тўхтамга келмоқ.
Шундай қилиб нимага тўхтадинглар?
Биз шу ердаги оғайнилар билан кенгашиб, бир гапга тўхтаб қўйдик. — А. Қодирий, Ўтган кунлар
7. кўчма Оғизга, тилга олиб ўтмоқ, тўхталмоқ.
Мен бир масала устида муфассал тўхтамоқчиман.
Лекин, ўртоқлар, мен ҳам қисқача тўхтаб ўтмасам, тарс ёрилиб кетаман. — А. Қаҳҳор, Тўй
Рўзномадаги асосий докладлар устида сўзлаган нотиқлар кўпроқ ижодий масалалар устида тўхтадилар. — Н. Сафаров, Оловли излар
8. махс. Ҳомиладор бўлмоқ, қочмоқ (чорва моллари ҳақида).
9. Сабр қилмоқ, кутмоқ.
Майли, яна бир-икки кун тўхтаб туринг!
— Тўхтанг бўлмаса, — деди, — мен бир иш қилайки аммо шу дақиқадан бошлаб ихтиёрингизни менга топширинг! — А. Қодирий, Ўтган кунлар
битим Ўзаро келишув, тўхтам, қарор. Тўй тантанасини кечқурун куёвникида ўтказишга битим қилинган бўлса-да, қизникида ҳам қариндош-уруғлар, қўни-қўшнилар лим
ҳайрон Моҳият-сабабига тушунмай, англаб етмай қизиқсинган, ажабланган ҳолатли; шундай ҳолатда. Шундай тўполончи боланинг бирданига ювош бўлиб қолганини кўриб,
қарор Бирор иш, масала ва шу кабилар юзасидан қабул қилинган хулоса; амалга ошириш лозим топилган қатъий фикр; аҳд, тўхтам. Аёлнинг истаги зўр, қарори қатъий эди.
тўхта Давом этмай қўймоқ, давомдан қолмоқ. Иш тўхтади. Гап тўхтади. Отишма тўхтади. Шамол тўхтади. Ёмғир тўхтади. Сув тўхтади. Оёқ товуши тўхтаб, нариги й
фикр Бирор нарса, ҳодиса ёки кимса ҳақида ўй, хаёл. Фикри равшаннинг сўзи равшан. Мақол Ҳанифанинг фикри бир зумда айқаш-уйқаш бўлиб қолди. Саодат [Пури] Тили би
Андижонлик йигитнинг саргузаштлари ҳақидаги ушбу эртакда, йигитнинг бойга хизматга кириши ва турли қийинчиликларга дуч келиши тасвирланади. Унинг бошидан
Уч опа-сингил оталарининг золимлигидан қочиб, ҳар бири ўз ёʻлига равона бўлади. Кенжа қиз Иқбол айиқ билан турмуш қуриб, Айиқполвон исмли ўғил кўради.
Аҳмад исмли эр ўз хотинининг маслаҳатлари туфайли турли қийинчиликларга дуч келади. Унинг соддалиги ва тушунмовчилиги кулгили вазиятларни келтириб чиқара
Шаҳзода Шавкат сирли кийикни қувиб, ўзга оламга тушиб қолади ва у ерда паризод Моҳистарага ошиқ бўлади. Бу саргузашт унинг ҳаётини бутунлай ўзгартириб
Бу эртакда кампирнинг айтганларини нотўғри такрорлаб, турли вазиятларга тушиб қолган ношуд чол ҳақида ҳикоя қилинади. Унинг саргузаштлари кулгили ҳолатл
Бу эртакда деҳқон қизининг ақл-заковати ва топқирлиги подшоҳнинг адолатли қарорлар қабул қилишига ёрдам беради. Қиз ўз донолиги билан вазирнинг ҳаётини сақ
