ot 1. Toʻqimachi ishi, kasbi.
Toʻqimachilikni egallamoq.
2. Gazmol toʻqish va ishlab chiqarish hamda xalq xoʻjaligining shu ish bilan shugʻullanadigan tarmogʻi.
Oʻzbekistonda toʻqimachilikning yuzaga kelishi va rivojlanishi. Toʻqimachilik sanoati. Toʻqimachilik kombinati.
3. ayn. Toʻquvchilik.
Mehmonxona ayni zamonda doʻkonxona ham boʻlib, poyga tomonida toʻqimachilik doʻkoni bor edi. S. — Ayniy, Esdaliklar
4. koʻchma s.t. Yoʻq yerdan gap toʻqish, yolgʻon-yashiqlar uydirish; uydirmachilik.
Toʻgʻonbek bu soʻzlardagi kinoyani tushundi: — Unday toʻqimachilikka berilmang, — dedi. — Oybek, Navoiy