Izohli lugʻat
· yana 2 ta lugʻatda
ot Boldir suyagining pastki uchidagi yon tomonga turtib chiqqan doʻmboq qismi.
Toʻpiq suyagi.
Loʻmbozday gʻildirak tosh dumalab borib, oʻng oyogʻi toʻpigʻiga qars etib urildi. — H. Nazir, Soʻnmas chaqmoqlar
Nihoyat, bir qarorga kelganday egilib, Sherbekning etigini yechishga urindi. Befoyda. Toʻpigʻi, panjasi shishib, etikni yorib yuborguday tirsillab turardi. — S. Anorboyev, Oqsoy
Dalada bir koʻktoshga toyib, toʻpigʻimni chiqarib oldim. — S. Siyoyev, Yorugʻlik
Yoz kunlari Naymanchaning koʻchalari toʻpiqdan chang boʻlardi. — A. Muxtor, Opa-singillar
- Dunyoni suv bossa, toʻpigʻiga chiqmaydi (yoki toʻpigʻidan kelmaydi)
- Toʻpiq oʻyini Toʻpiq suyagini oʻynovchilardan biriga, soʻralganda darhol koʻrsatish sharti bilan, berib oʻynaladigan pisandali oʻyin. Toʻpiq oʻynab, bitta oʻtirishga tushdim.
- Toʻpigʻini yalamoq Xushomadgoʻylik qilmoq, oyogʻini (tovonini) yalamoq. Qoʻrqma, jinni! Qachongacha toʻpigʻini yalaysan — P. Tursun, Oʻqituvchi