фл. 1. Тўғри шаклга ёки ҳолга келтирмоқ, тўғри, адил, тик қилмоқ.
Симни тўғриламоқ. Дарё ўзанини тўғриламоқ. Эгилган ўқни тўғриламоқ. Эгри битганни эл тўғрилайди. — Мақол
— Дардингизга даво мен-да! — у қаддини тўғрилаб яна жилмайди. — Ойбек, Танланган асарлар
2. Хато, нуқсон ва шу кабиларни ёʻқотмоқ, тузатмоқ.
Имло хатоларини тўғриламоқ. Талаффузни тўғриламоқ. Соатни тўғриламоқ.
Гулнор айтганига пушаймон қилди, хатосини тўғрилаш учун сўзламоққа мажбур бўлди. — Ойбек, Танланган асарлар
3. Тегишли вазиятга келтирмоқ, тартибга солмоқ, тузатмоқ.
Ёқангни тўғрилаб ол.
Анвар қизнинг юзидан ўпди ва унинг тўзғиган сочларини тўғрилаб, ҳаётбахш кокилларнинг муаттар бўйини узоқ ҳидлади. — А. Қодирий, Меҳробдан чаён
4. Бирор томонга қаратмоқ, рўпара қилмоқ; ёʻналтирмоқ.
Прожекторларни самолётга тўғриламоқ.
Чол у ёқ-бу ёқ суриб ўртадаги ходани хаёл қилинган ип ёʻлига тўғрилаб қўйди. — М. Исмоилий, Фарғона тонг отгунча
Гулнор умримга эгов бўлди. Яна у Мирзакаримбой хонадонига бошлик бўлиб кеккайсин, ҳеч ким билан сўзлашмасин, туғсин, бойликнинг нишабини ўз томонига тўғриласин. — Ойбек, Танланган асарлар
У хаёл сураркан, кимнингдир кўли елкасига қўйилганини сезиб, дарҳол орқасига бурилди ва юзини юзига тўғрилаб турган Лолани кўрди. — Ш. Рашидов, Бўрондан кучли
Биров ёшга тегади, биров бошқага. Худо юлдузингни ўшанга тўғрилаган экан, чорамиз ёʻқ. — Ойбек, Танланган асарлар
5. с. т. Эпини, иложини қилиб битирмоқ, юзага келтирмоқ, муҳайё қилмоқ; эплаштирмоқ.
Мушкул ишни тўғриламоқ.
Бу ҳақда ташвиш қилманг, ўзимиз тўғрилаймиз.
Ҳо-зир секретарнинг олдига тушгин, у ҳаммасини тўғрилаб беради. — Ойдин, Уялди шекилли, ерга қаради
Наинки, амирзода, бу ишни устод Қавомнинг бир оғиз сўзи билан ҳам тўғриламоқ мумкин — Мирмуҳсин, Меъмор
- Кавушини тўғрилаб қўймоқ Кавушини тўғрилаб қўйиш керак, куралишни ҳам, коллективни ҳам сариқ чақага сотади бу. — А. Мухтор, Туғилиш