Qidiruv

Avtomobillarga gaz toʻldirish kompressor stansiyasi

Ostda, pastki tomonda joylashgan; pastdagi, quyidagi, pastki.

Binoning ostki qavati.

Teshaboy ostki labini tishlab, picha oʻylanib turdi. — M. Ismoiliy, Fargʻona tong otguncha

sft. 1. Yaxshi kesadigan; keskir.

Oʻtkir qaychi. Oʻtkir ustara. Oʻtkir pichoq.

Ali tajangning koʻzlari yana oʻynab ketdi. Qani, qoʻlida oʻtkir boltasi boʻlsa-yu, eng adil bir daraxtni kesib, yelkaga olib joʻnasa! — Oybek, Quyosh qoraymas

Mutalning birinchi harakati boʻshga ketdi-da, chap biqiniga oʻtkir xanjar gʻarchcha botirildi. — A. Qodiriy, Oʻtgan kunlar

2. Uchi nayzalangan; uchli.

Oʻtkir bigiz. Oʻtkir nayza. Oʻtkir uchli qalam.

3. Taʼm bilish, hidlash, eshitish va boshqalar sezgi aʼzolariga kuchli taʼsir etadigan, kuchli.

Oʻtkir ovoz. Tuzi oʻtkir ovqat. Quyoshning oʻtkir nuri kuydirmoqda.

Bu ariqchalar boʻyida oʻtkir hidli qoramtir yalpizlar oʻsgan. — H. Nazir, Soʻnmas chaqmoqlar

Achchiq, oʻtkir tamakidan boshi gir aylanib, koʻzlari yoshlandi-da, yoʻtala-yoʻtala yurib ketdi. — Oybek, Nur qidirib

Och qoringa tushgan oʻtkir may viz ettirib, meʼdani qaynatdi. — A. Qodiriy, Oʻtgan kunlar

4. koʻchma Ruhiy va boshqalar jihatdan taʼsir darajasi, kuchi yuqori; kuchli.

Oʻtkir asar.

Oʻtkir hajviy kulgi bilan sugʻorilgan bu gaplar — OʻTA

Sharif Rizayev oʻzining oʻt-kir, tanqidiy, hujumkor maqolalarida eskilik sarqitlarini ayovsiz tanqid qildi. — X. Yodgorov, Hayot toʻlqinlari

5. Qobiliyatli, imkoniyati yuqori darajali.

Aqli oʻtkir. Zehni oʻtkir.

Gilamlarga oʻzgacha joziba bagʻishlagan qizlarning chevar qoʻllari, oʻtkir koʻzlari, nozik didlari — Saodat

Nizomiddinovning qulogʻi oʻtkir edi. Tevarak atrofni butun vujudini quloq qilib eshitar edi. — N. Safarov, Olovli izlar

6. Kasb-hunar, bilim va shu kabilarda yuqori darajaga ega boʻlgan, yuqori saviyali; kuchli.

Yusufjon aka Fargʻona vodiysining eng oʻtkir oʻyinchi ustozlaridan koʻp raqslarni oʻrgangan edi. — T. Obidov, Yusufjon qiziq

Botirali toʻqay oralab borar ekan, garchand oʻzi oʻtkir ovchi boʻlsa ham, ana shunday ov gashtini oʻylamadi. — H. Gʻulom, Mashʼal

— Bu masterovoylaring juda oʻtkir xalq boʻlar ekan-da? — dedi chol. — Oybek, Tanlangan asarlar

7. Oʻtkir (erkaklar ismi).

ot 1. Ip, plastmassa va boshqalardan toʻqiladigan toʻr xalta.

[Xola] Koʻlidagi setkaga non, ovqat, bir-ikki bosh uzum solib, yoʻl oʻrtasida bir student yigitdan klinikaga qanday borishni soʻradi. — Mirmuhsin, Umid

Birov ishga shoshilyapti, birov bozordan kelyapti, ikki qoʻlida setka. — Oʻ. Umarbekov, Yoz yomgʻiri

2. qt. ayn. I jadval.

Tarif setkasi.

ot Bir kecha-kunduzga, 24 soatga teng vaqt oʻlchov birligi va shu oʻlchovdagi vaqt.

Oyni tadqiq qilishning amaliy tomonlari ham bor. Aslida Oy raketada Yerdan bor-yoʻgʻi bir necha sutkalik yoʻl. — Fan va turmush

Odamga bir sutkada bir kilogramm non va umuman ovqat, bir-ikki litr suv va yigirma besh kilogramm havo zarur. — Fan va turmush

Sutkaning yorugʻ qismi tobora qisqarib bormoqda. — Yoshlik

sft. 1. Yuqorida, tepa qismda joylashgan; yuqorigi, tepadagi.

Ustki tish. Ustki jagʻ. Uyning ustki qavati.

[Kamolxonov] Sulaymonovning kulmaganini koʻrib, oʻzini jiddiy koʻrsatish uchun, qoshlarini chimirdi, ustki labini soʻra boshladi. — A. Qahhor, Ikki yorti — bir butun

2. Narsaning tashqi qismida, sirtida joylashgan; sirtidagi.

Normat bintni protivogaz xaltasining ustki choʻntagiga solib qoʻydi. — I. Rahim, Chin muhabbat

Shudgorlarni boronalashni tuproqning ustki qatlami yetilishi bilanoq boshlash kerak. — Gazetadan