Поиск

ot Narsalarning (asosan, poliz mahsulotlarining) uzun-uzun qilib tilib, kesib ajratilgan har bir boʻlagi; tilik.

yoʻlda qattiq toliqqanligi uchun durust ovqat ham yemadi. Faqat bir-ikki tilim handalak yedi-yu, uch-toʻrt piyola choy ichdi. — P. Qodirov, Yulduzli tunlar

Dalamizda qovun moʻl, tilimi tilni yorar. — R. Bobojon

fl. Tilim-tilim qilib kesmoq; tiliklamoq.

Goʻshtni tilimlamoq. Tarvuzni tilimlamoq.

Ermatov handalaklarni tilimlab, odamlarga ulasha ketdi. — Oybek, Oltin vodiydan shabadalar

Jalolxon yarimta qovunni tilimlab tashladi. — R. Fayziy, Choʻlga bahor keldi

Koʻp joyidan tilingan, yorilgan yoki bir necha uzun-uzun boʻlaklarga boʻlingan; tilimlangan.

Qovunni tilim-tilim qilib kesmoq. Goʻshtni tilim-tilim qilib tuzlamoq.

[Xudoyqulning] Oyoqlari sovuqdan tilim-tilim yorilib ketgan. — P. Tursun, Oʻqituvchi

fl. Tilimlamoq feʼlining majhul nisbati.

fl. Tilimlamoq feʼlining orttirma nisbati.