от 1. 1 Оёқ билан берилган зарб.
Худойқул бир нафас ғингшиб ётди. Тепкидан оғриган жойларини секин-аста силади. — П. Турсун, Ўқитувчи
Бола кўрсатилган иккинчи сўзни ўқийман деб турганда, синф эшиги қаттиқ тепкидан ланг очилиб, ичкарига совуқ ёпирилиб кирди. — М. Исмоилий, Фарғона тонг отгунча
2. Тўп, замбарак каби отиш қуролларидан ўқ узилганда, унинг орқага берадиган зарби.
Тўпнинг тепкини камайтирадиган қурилмаси.
3. Ўқ отадиган қуролларнинг отиш механизмини ишга солувчи қисми.
Пулемёт тепкиси. Тўппонча тепкиси.
Отайми, отмайми! Ўнг қўлининг бармоғини милтиқ тепкисига юбориб, уни босаётган жойда яна тўхтади. — И. Раҳим, Чин муҳаббат
4. Маҳаллий тўқиш дастгоҳининг оёқлар билан галма-гал босиб, дастгоҳни ишга тушириш, унинг мунтазам ишлашини таъминлаш учун хизмат қиладиган қисми.
Ҳожияхон бўз тўқишни энди ўрганган, ўнг қўли тасма ғалтакни торца, чап оёғи тепкини босолмас, ўнг оёғи тепкини босса, чап қўли гулани жуфтлолмас эди. — А. Мухтор, Опа-сингиллар
5. Дастгоҳнинг шу қисмини босганда тўқилиб, зичланган моки ипи.
Атласнинг тепкиси қанча кўп бўлса, абр безакдан олинадиган таассурот шунчалик зўр бўлади. — Газетадан
- От тепкисини от кўтаради Тенг кучлилар бир-бирига бас кела олади, чидаш бера олади, деган маъноли мақол.
- Тепки емоқ 1. Тепки зарбига учрамоқ, тепилмоқ. Мамарайим, эгасидан тепки еган итдай, орқага чекинди. — М. Исмоилий, Фарғона тонг отгунча[Ёʻлчи:] Чидай олмадим, мулла ака Мен ҳам одам фарзанди, токайгача тепки ейман. — Ойбек, Танланган асарлар
- Саккиз тепки атлас Қалин, юқори сифатли атлас. Яна юриб кетади саккиз тепки гул атлас, Чивиқ беқасамларнинг олағовур бозори. — Ғ, Ғулом
- Тепки машина Махсус тепкиси, педалини оёқ билан босиб юргизиладиган тикув машинаси. Ойим тепки машинада Донога кўйлак тикиб ўтирган экан. — Х. Тўхтабоев, Сариқ девни миниб