Поиск

ot 1. Tashqi tomon, sirt.

Uyning tashini oqlamoq.

Mol olasi — tashida, odam olasi — ichida. — Maqol

— Ichimda tiling boshingni yesin! desam ham, tashimda hur-mat bilan kutar edim, — dedi Hoji xola. — M. Ismoiliy, Fargʻona tong otguncha

2. Tashqari, chet.

Dushmanning tashida boʻlguncha, ichida boʻl. — Maqol

Dala-tuzni suv olsa, qoʻngʻir gʻozning toʻshidan, Quloqsizga soʻz aytsang, qulogʻining tashidan. — Maqol

ot 1. Tashqi omillarning kishi yoki narsa holatini oʻzgar-tirish, qoʻzgʻash xususiyati va uning natijasi.

Taʼsir va aks taʼsir. Oʻzaro taʼsir. Dorining taʼsiri. Issiqlikning taʼsiri. Oʻqituvchining bolalarga taʼsiri. Taʼsir kuchi. Ijobiy taʼsir koʻrsatmoq.

Soʻnggi kunlarda Navoiydan kelgan xatning taʼsirida /organ Bobur Hirotdan gap ochdi. — P. Qodirov, Yulduzli tunlar

Kuni boʻyi bir stakan aroq yoki vinoning taʼsirida yuradi. — E. Raimov, Ajab qishloq

Yerda tunov kuni yoqqan yomgʻirning taʼsiri bor. Jangchilarning yurishini ogʻirlashtiradi. — Shuhrat, Shinelli yillar

2. Obroʻ, nufuz, eʼtibor.

Buxoro jadidlari orasida usmonli turklarning va tatar boyvachchalarining taʼsiri katta edi. — S. Ayniy, Doxunda

ot 1. Uzun, ensiz teri.

Botir arslonni oʻldirib, terisidan bir tasma oldi. — Ertaklar

2. Shunday koʻrinishda boʻlgan, bogʻlash, biriktirish va shu kabilar uchun ishlatiladigan, teri yoki pishiq matodan yasalgan ensiz buyum; qayish, kamar.

Yugan tasmasi. Miltiq tasmasi.

Boboqul ota qoʻzichoqning qoʻltigʻidan brezent tasma tortardi-da, kichkinagina tarozining ilgagiga ilib koʻtarardi. — S. Anorboyev, Oqsoy

Keyin qizil dastali ustarani tasmaga shart-shart qayrab, chamadonga joylashtirdi. — Guldasta

Boshliq oriq, choʻzinchoq yuzli, bir koʻzi ingichka tasma bilan boylangan novcha kishi edi. — S. Ahmad, Hukm

3. Baʼzi bir mexanizmlar yoki transport moslamalarining toʻxtovsiz harakatlanishi va boshqalar vazifa uchun qoʻllanadigan, charm yoki boshqa pishiq toʻqimadan ishlangan uzun buyum; lenta.

Ventilyatsiya tasmasi.

Yaqin kelgusida hozirgidan uch baravar koʻpga chidaydigan kapron tasma ishlab chiqarish yoʻlga qoʻyiladi. — S. Abdullayev, Gazlamaning umri

Shpindellarni harakatga keltiruvchi tasma, ventilyatorlarning shkivlari shu vaqtgacha oʻrnatilmabdi. — Gazetadan

4. koʻchma. Lenta.

Bir dam olish kuni Toshkent radiosidan ikkita muxbir kelib, soʻzimizni magnit tasmasiga yozib oldi. — T. Rasulov, Sarbon

ot Xudoning nomini zikr etib sanaladigan munchoq shodasi.

Sadaf tasbeh. Tasbeh oʻgirmoq (agʻdarmoq).

Mirzakarimboy gazlamaga suyanib, tasbeh donalarini barmoqlari orasidan bitta-bitta oʻtkazib, chordana qurib oʻtirar edi. — Oybek, Tanlangan asarlar

Pirim oppoq tong otguncha tasbeh oʻgirib, qurʼon tilovat qiladilar. — S. Ahmad, Hukm

Bir soatdan beri joynamozdan qoʻzgʻalmay, tasbeh agʻdarib oʻtirgan Oysha buvi Toʻybekani boshdan-oyoq kuzatib, yana ishiga mashgʻul boʻldi. — A. Qodiriy, Oʻtgan kunlar

ot 1. Biror narsaning haqligi, toʻgʻriligi yoki maʼqulligini tan oluvchi soʻz, imo-ishora kabilar; maʼqullash, toʻgʻri deb bilish.

Akbarov unga tasdiq maʼnosida bosh irgʻab, Mahkamga gapirishda davom etdi. — P. Qodirov, Uch ildiz

Usta Olim tasdiq ishorasini berib: — Soʻzlay beringiz! — dedi. — A. Qodiriy, Oʻtgan kunlar

Bolalardan tasdiq javobini olgach, poʻpisa qildi — S. Karomatov, Oltin qum

2. Toʻgʻri, haqiqat ekanlikni qayd etuvchi narsa, fakt; isbot.

Xalq demokratiyasi mamlakatlari bilan doʻstlik, hamkorlik mustahkamlanganligi baynalmilalchilik gʻoyalarining amaliy tasdigʻidir. — Gazetadan

3. Maʼqullanganlik haqidagi rasmiy qayd, qaror.

Loyihani tasdiqdan oʻtkazmoq.

Mana bu — boʻlimning butun tasdiqlardan oʻtgan tematik plani. — S. Karomatov, Oltin qum

4. Inkorga zid mazmunli.

Tasdiq gap.

Kesimi inkor shaklida boʻlib, tarkibida qandoq, nima, ozmuncha soʻzlari ishtirok etgan gaplar tasdiq fikrni ifodalaydi. — OʻTA

sft. 1. Suvga zor; suvsagan, chanqagan, suvsoq, chanqoq.

Odamlar tashna, yer chanqoq, yurt qaqroq edi. Hamma suv deb talpinar, hamma suvga intilar edi. — M. Ismoiliy, Fargʻona tong otguncha

Ey sen, boshi va oxiri yoʻq choʻlda suvsirab, jon berayotgan tashna yoʻlovchi! — F. Musajonov, Himmat

Kanal qazib, oqizib suvni tashna sahroga — Habibiy

2. koʻchma Biror narsaga zor, kuchli talabi bor.

Kimki ilmga tashna boʻlsa, uning qalbida yaxshilik guli bor. — Gazetadan

Ahmadning yuragi mehrga va saxovatga toʻla, oʻzi esa suhbatga tashna edi. — F. Musajonov, Himmat