Qidiruv

ot 1. Ish-harakat, tadbir-chora va shu kabilarning amalga oshuvida rioya qilinadigan maʼlum izchillik, reja, qonun-qoida va shu qonun-qoidalarga javob beradigan holat.

Pensiya belgilash tartibi. Ovoz berish tartibi. Yangicha toʻy tartibi.

[Zargarov:] Majlisda tartib boʻlishi kerak! [Poʻlatjon domla:] Bugungi majlisning tartibi shunaqa. — A. Qahhor, Ogʻriq tishlar

Oyimxon stolni taqillatib, Tojiboyni tartibga chaqirdi. — P. Tursun, Oʻqituvchi

2. Narsalarning joylashuvi va shu kabilar jihatdan mutanosiblik boʻlishi, meʼyoriy holat.

Hovlilarga tartib bilan meva daraxtlari ekilgan. — S. Siyoyev, Yorugʻlik

Yaqindagina keltirilgan vagonchalarda tartib oʻrnatildi. — Sh. Rashidov, Boʻrondan kuchli

Uydagi tartib va ozodalik uning bahrini ochib yuborgan edi. — S. Zunnunova, Yangi direktor

3. Shaxs yoki narsalarning oʻrinlashish tizimida qoʻllangan yoʻl; sira.

Pochtaxona orqaga qiyaroq oʻrnatilgan gazeta vitrinasidan iborat boʻlib, unga alifbo tartibida yashiklar oʻrnatilgan. — A. Qahhor, Qoʻshchinor chiroqlari

4. Yoʻl-yoʻriq, usul, yoʻsin.

xon qoʻshinlarning shaharga kirish va joylashish tartibini oldindan oʻylab qoʻygan edi. — P. Qodirov, Yulduzli tunlar

sft. 1. Maʼlum tartib, qonun-qoida talablariga javob beradigan; tartib asosida, izchil.

Tartibli ish. Tartibli uy. Tartibli korxona.

Marhamatning koʻziga uning ust-boshi kar vaqtdagidan tartibli, ozoda koʻrindi. — H. Nazir, Yonar daryo

2. Tartib-intizomga rioya qiladigan, intizomli.

Tartibli oʻquvchi.

ot esk. kt. Tartib.

Qoʻshin tartiboti.

[Bobomirza] Oilaning aqlli kenjasi boʻlib, ota eshigidagi tartibotni uncha yoqtirmas edi. — I. Rahim, Taqdir

Bu yerda sergaklik va gʻayrat bilan qoʻshin tartibotini kuzatib turdi. — Oybek, Navoiy

sft. 1. Maʼlum tartib, qonun-qoida talablariga javob bermaydigan; tartibga solinmagan; betartib.

Otabek uyga kirganda, yostiq betini tartibsiz soch oʻrimlari bilan chulgʻatib, Kumush uxlar edi. — A. Qodiriy, Oʻtgan kunlar

Katta uyda har xil asbob-idishlar tartibsiz qalashib yotar edi. — Oybek, Tanlangan asarlar

2. Oʻzaro tartib bilan bogʻlanmagan, noizchil.

Yormat hamma narsani, tartibsiz boʻlsa ham, lekin mufassal aytib berdi. — Oybek, Tanlangan asarlar

Uning tartibsiz fikrlari muntazam bir shaklga kirib, voyaga yetdi. — M. Osim, Jayxun ustida bulutlar

3. Intizomsiz, betartib.

Tartibsiz bola.

ot Qonun-qoida, tartib-intizom talablarini buzuvchi, unga zid ish tutuvchi.

Tartibbuzarlarga qarshi kurashda jamoatchilik koʻmagidan foydalanish kerak.

fl. 1. Tartibga, sistemaga solmoq.

2. Tartib qilmoq, tuzmoq.