Қидирув

тақл. с. Таранг ёки қаттиқ нарса ёрилганда, синганда ёки урилганда чиқадиган овозни билдиради.

Қовун тарс ёрилди.

У эшикни тарс этиб ёпди.

Ҳасан аканинг чаккасига ҳам бир нима тарс этиб тегди. — А. Муҳиддин, Инсон қалби оташ

— Эҳ, — Акрам тиззасига тарс эткизиб урди-да, креслодан сапчиб турди. — С. Анорбоев, Оқсой

от Очиқ кафт билан юзга берилган зарб, шапалоқ.

Тарсаки (билан) урмоқ. Тарсаки емоқ. Тарсаки солмоқ.

Бек Лаълининг у юзи-бу юзига тарсаки қўйиб юборди. — Ҳ. Ғулом, Машъал

тақл. с.

Тарвузи қўлтиғидан тушган тунқотар тарс-турс кўчага чиқди. — А. Қодирий, Меҳробдан чаён

фл. шв. Бақрайиб, безрайиб қараб турмоқ.

фл. Тарс этган овоз чиқармоқ.

Эшик тарсиллаб очилди. Қовун тарсиллаб ёрилди.

фл. Тарсаки урмоқ.

Зулайҳо Гавҳарга бемор одамга қарагандай ачиниб қарайди, бундан кўра тарсакилаб юборгани яхши эмасми? — Ў. Ҳошимов, Қалбингга қулоқ сол