Qidiruv

ot esk. ayn. Tariqa.

— He tariq bilan? — qiziqib soʻradi Majdiddin. — Oybek, Navoiy

Ota-onasidan chiroyli axloqni, odamlarga odamlarcha muomala tariqini oʻrganib kelibdi. — M. Ismoiliy, Odamiylik qissasi

ot 1. Baʼzi soʻzlar bilan egalik shaklida, shuningdek, shu, bu, qay kabi olmoshlar bilan qoʻllanib, yoʻl, yoʻsin maʼnosini bildiradi.

Yoshlikda ikkovimizning kun koʻrish tariqamiz, ongimiz bir edi. — A. Qahhor, Sarob

Uning [Otabekning] soʻziga qaraganda, siz uni ogʻirroq tariqa bilan darbozangiz yonidan joʻnatgan ekansiz. — A. Qodiriy, Oʻtgan kunlar

Eson shunday xayollar bilan uyga qay tariqa yetib kelganini ham sezmadi. — H. Ahmar, Kim haq?

2. (3-shaxs egalik va oʻrin-payt kelishigi shaklida — tariqasida) koʻm. vzf. Bosh kelishikdagi soʻz bilan qoʻllanib, oʻxshatish, qiyos kabi maʼno bildiradi; yoʻsinida, tarzida.

Nasihat tariqasida. Sovgʻa tariqasida. Misol tariqasida. Hazil tariqasida.

Qoʻltiqtayoqqa dardisar boʻlding! degan hazil-mutoyiba tariqasida aytilgan soʻz, toʻgʻrisi, izzat-nafsimga tegdi. — N. Safarov, Olovli izlar

Baʼzan u betimning qalini —

jonimning huzuri tariqasida ish qilardi — Mirmuhsin, Meʼmor

ot esk. kt. Tutilgan yoʻl; maslak; sufiylik yoʻli.

UBuxoroda madrasada oʻqib yurganda, shariat va tariqat ilmini yaxshi oʻrgangan, qurʼonni yod bilar edi. — P. Qodirov, Yulduzli tunlar

Qoʻqondan kelgan mehmonlar Jamoliddin Muhammadkarim soʻfini tariqatning peshvosi, avliyoyi pir, deya koʻp taʼrifini gapirdilar. — Oybek, Ulugʻ yoʻl

Sening bu qiligʻing na farzga, na sunnatga, na insoniylik tariqatiga toʻgʻri kelgay. — S. Siyoyev, Avaz

ot (odatda inkor bildiruvchi feʼllar bilan) Ozgina, jinday. Tariqcha aqli yoʻq.

[Mahkam:] Dadamda tariqcha gunoh yoʻq, taqsir. — N. Safarov, Uygʻonish

Agar shu soʻzlarim ichida tariqcha qallobligi boʻlsa, bilganlaringni qilinglar. — H. Nazir, Oʻtlar tutashganda

— Tariqcha insof bormi sizda! — boʻgʻilib gapirdi — Oʻktam. Oybek, Oltin vodiydan shabadalar

sft. Qantarib qoʻyish, qantarigʻliq holatda tutish va shunday holatning oʻzi.

Oriq hoʻkiz qantariqdan koʻtarmas bel. — Gʻ. Gʻulom

ot 1. Takrorlanadigan yoki takrorlangan ibora, gap va shu kabilar

Bundan tashqari, spektaklda qaytariqlar ham koʻzga tashlanadi. — Gazetadan

Har qalay, quruq maqtovlar, qaytariqlar oʻrnini hayotiy sheʼrlar olmoqda. — Mirtemir, Togʻday tayanchim

2. Qaytarish, takrorlash, takror.

Darsni qancha qaytariq qilsang, shuncha puxta oʻzlashadi.

3. kam qoʻll. ayn. Qaytim.

Pul toʻlab, qaytarigʻini olmoq.

4. Eski eʼtiqodga koʻra, kasallik, falokat va shu kabilarni daf qilish, isitilgan kishidan sovitish va shu kabilar maqsadlarda duo oʻqish, dam solish va shunday duo oʻqib dam solingan narsa.

Qayerdan boʻlsa ham, oʻsha hindini topasan va nazrini berib, yaxshilab qaytariq qildirasan. — A. Qodiriy, Oʻtgan kunlar

Ezibichki berib, tutatqi tutatib, boshimizdan balo-qazolarni qaytariq qilib haydayman. — K. Yashin, Hamza