Поиск

fl. 1. Taramoq 1, 2 feʼllarining majhul va oʻzlik nisbatlari.

Suv hamma egatga baravar taraladi.

Oʻrmonjon shoshib chiqib ketdi va biron soatdan keyin ozgʻin, sochi oʻng tomonga juda hafsala bilan taralgan yoshgina bir yigit bilan kirib keldi. — A. Qahhor, Qoʻshchinor chiroqlari

2. Yoyilmoq, tarqalmoq.

Qaysi bir uzun quloq orqali bu gap qamish toʻzgʻogʻiday taralib ketdi. — H. Nazir, Oʻtlar tutashganda

Kumushbibi boshlovchi qizlar bilan uyga kirdi, undan taralgan atir islari bilan uy toʻldi. — A. Qodiriy, Oʻtgan kunlar

Oʻn ikki oʻgʻil-qizli ota-onaning dongʻi butun mamlakat boʻylab taraldi. — R. Fayziy, Shohi darparda

3. Har tomonga ketmoq, tarqalmoq.

Azizlar musiqiy asboblarni quchoqlab, qoʻrqa-pisa, gʻing demasdan, har yoqqa taraldilar. — Oybek, Navoiy

Chipor tovuq ham zoʻr tashvish bilan qaqagʻlab, taralib yurgan joʻjalarini qanoti ostiga chaqirardi. — A. Muhiddin, Otash qalbli qiz

ot Begʻam-betashvish aysh qilib yurish; shu tarzdagi xursandchilik, gasht.

Toʻy boʻlsa, sizga nima gʻam, ayajon? Siz ham tarallani vang qoʻyib yuravermaysizmi? — Hamza, Boy ila xizmatchi

Oʻynab-kulib, tarallangni tortib yuraver. Senga churq etadiganning boshi oʻnta. — Gʻ. Gʻulom, Shum bola

Qurilish rahbarlari esa parvoyi palak. Boʻlsa boʻlar, boʻlmasa gʻovlab ketar, deb tarallani vang qilib yurishibdi. — Mushtum

fl. Taralmoq feʼlining birgalik nisbati.

fl. Taralmoq feʼlining orttirma nisbati.

sft. Begʻam-betashvish aysh qilib yurish; xursandchilik, gasht (shu tarzda yuradigan shaxslarga nisbatan qoʻllanadi).

Taralabedod qilib yurmoq.

Qachon koʻrsang, taralabedod, xursand, xushchaqchaq. — Shuhrat, Shinelli yillar

Birovlarning sevgisini xor qilib, boshqa yor topib, tarallabedod qilib yuruvchilarning adabini berib qoʻyish kerak. — B. Rahmonov, Yurak sirlari

— Asadni yoshligidan bilgandim. Shirintomoq, maishatga suyagi yoʻq, tarallabedod, — dedi Kamol. — H. Nazir, Koʻkterak shabadasi