от 1. Ўқиш, билим олиш.
[Абдишукур] Таҳсилини чала қолдириб, мадрасадан чиқди. Таҳсил учун Истамбул ёки Мисрга жўнаш орзуси маблағ ёʻқлигидан амалга ошмади. — Ойбек, Танланган асарлар
Аммо мадрасаларда дунёвий илмлардан таҳсил бермасак, хароб бўлғаймиз. — С. Сиёев, Аваз
2. Ўқиш мавсуми, дарс-машғулотлар даври.
Таҳсил бошланиши билан ҳар бир тўда муллаваччалар патнис ясаб домлаларнинг олдига олиб кирар эдилар. — М. Муҳаммаджонов, Турмуш уринишлари
3. Билим, маълумот.
Сиз ибтидоий ва ўрта таҳсилни тамом қилгансиз. — А. Қаҳҳор, Сароб
Шунча таҳсил ва тарбия берганларингиз учун раҳмат. — М. Исмоилий, Фарғона тонг отгунча
Лекин Мадраса таҳсили уларни қониқтирмасди. Шунинг учун улар “Тараққиёт”, Хуршид ҳамда Вақт сингари газета ва журналларни ярим тунда мутолаа қилишга киришар эдилар. — К. Яшин, Ҳамза
- Таҳсил қилмоқ (ёки этмоқ) Мутолаа қилмоқ, мустақил равишда ўқимоқ, ўрганмоқ; билим олмоқ. Искандаро бир неча йил мактабда қуръон таҳсил қилиб, ўқиш-ёзишни ўргангандан сўнг, уйда қолган. — Ойбек, Нур қидириб
- Таҳсил олмоқ (ёки кўрмоқ, топмоқ) Маълум ўқув юртида ёки бирор мутахассис раҳбарлигида ўқимоқ, билим, маълумот олмоқ. Ҳусайнбек афанди асли хоразмлик бойлардан бўлиб, Туркияда таҳсил олган эди. — Ж. Шарипов, ХоразмҒиёсиддин Бухоронинг Девонбеги мадрасасида таҳсил кўриб юрган пайтларида отаси уни оқ қилгади. — С. Аҳмад, ҲукмҲакимхон Водилий аввал Бухоро, кейин Самарқандда таҳсил топган мулло одам экан. — Мирмуҳсин, Меъмор