Қидирув

таъмин қилмоқ (ёки этмоқ) 1) керакли нарсаларни етказиб бермоқ, таъминламоқ. 2) бирор нарсанинг амалга ошиши, рўёбга чиқиши, муҳайё бўлиши учун зарур шароит яратмоқ. 3) қониқтирмоқ, қаноатлантирмоқ; кифоя қилмоқ, етарли бўлмоқ

Керакли маҳсулотлар билан таъмин этмоқ

Отам учун икки кишини шаҳарга юбориб, моддий жиҳатдан таъмин қилиш оғирлик қиларди — С. Айний, Эсдаликлар

Муваффақиятни таъмин қилмоқ

Ҳамроҳларим ўз танки билан душман зотини абжақ қилган ва ғалабани таъмин этган — Н. Сафаров, Оловли излар

Бунинг сабабини сўзлашдан илгари имом афандининг ўтган тарихига бир оз кўз ташлаб олишга мажбурмиз. Чунки бусиз ўқувчимизни таъмин қилиш мумкин эмасдир — А. Қодирий, Меҳробдан чаён

от 1. Керакли нарсаларни муҳайё қилиб етказиб бериш; яшаш, ишлаш учун зарур нарсаларга бўлган эҳтиёжни қондириш.

Ижтимоий таъминот. Давлат таъминоти. Таъминот бўлими.

Таъминот ҳам тўла ёʻлга қўйилмаган: гоҳи ёқилғи етказиб берилмайди — Ўзбекистон қўриқлари

2. Яшаш, ишлаш учун керакли пул, озиқ-овқат, кийим-кечак каби нарсалар мажмуи.

лашкар таъминотини зиёратчиларнинг назр-ниёзларига юклаганлар. — К. Яшин, Ҳамза

3. кўчма кам қўлл. Маънавий озуқа; далда; умид.

Отасининг бу сўзлари унинг [Отабекнинг] истиқболи учун яхши таъминотлар берар. — А. Қодирий, Ўтган кунлар

н assurance, assuring, providing, supply, provision

provide, supply

фл. 1. Керакли нарсаларни муҳайё қилиб, топиб, етказиб бермоқ, таъмин қилмоқ.

Шаҳарни сабзавот билан таъминламоқ. Мактабларни ўқув қуроллари билан таъминламоқ.

Мазкур комплексни бирлашма уз кучи билан қурганлиги, зарур жиҳозлар билан таъминлаганлиги диққатга сазовордир. — Газетадан

2. Бирор нарсанинг амалга ошиши, рўёбга чиқиши, муҳайё бўлиши учун зарур шароит яратмоқ.

— Жавилбойдаги учта насоснинг бетўхтов ишлашини таъминлайман, — деди Усмонжон ака. — Ўзбекистон қўриқлари

халқларимиз дўстлиги урушдаги ғалабамизни таъминлаган омиллардан бўлаганлиги тўғрисида тўлқинланиб гапирарди. — Н. Сафаров, Жасоратнинг давоми