Qidiruv

ot 1. Bilim berish, malaka va koʻnikmalar hosil qilish jarayoni, kishini hayotga va mehnatga tayyorlashning asosiy vositasi.

Taʼlim va tarbiya ajralmas egizaklar boʻlib, maʼlumot ularning totli mevasidir. — R. Usmonov, Odobnoma

Bizga taʼlim berar har kun oʻqituvchimiz, Turli fanni oʻqib oʻsar ong va kuchimiz. — I. Muslim

2. Ilm-fan yoki kasb-hunar sohalari boʻyicha egallanadigan, olinadigan maʼlumot va koʻnikmalar majmui; bilim.

Boshlangʻich taʼlim. Oliy taʼlim. Madrasa taʼlimi.

Ilk bor alifbodan olganda taʼlim — E. Vohidov, Muhabbatnoma

3. Tarbiya, odob-axloq.

Taʼlimi yoʻq bola.

Arabboy qancha oʻqisa ham, uning qiliq va gapirishi, yurish-turishi maktabda taʼlim koʻrgan kishini emas, balki chapani aravakashni eslatib turar edi. — P. Tursun, Oʻqituvchi

4. s. t. Koʻrsatma, yoʻl-yoʻriq, oʻrgatuv.

Arzi xola Qutbi otinning haligiday taʼlimidan gangib qoldi. — R. Azizxoʻjayev, Toʻlgʻoq yemagan juvon

[Sidiqjon] Hech kimga qaramay, ket-monni qay xilda chopish toʻgʻrisida Mallavoy aka bergan taʼlimga ham rioya qilmay, kuyib-pishib ishladi. — A. Qahhor, Qoʻshchinor chiroqlari

sft. Taʼlimga oid, taʼlim beradigan; taʼlim-tarbiya ahamiyatiga ega boʻlgan.

Pokistonga adabiy va ilmiy, ayniqsa, taʼlimiy hikoyalar gʻoyat zarurdir. — Oybek, Nur qidirib

sft. Taʼlim koʻrgan, yaxshi tarbiyalangan, axloqli, odobli.

Taʼlimli bola.

ot 1. Fan sohalari, ijtimoiy hayot, jamiyat va shu kabilar haqidagi ilmiy qarashlar, nazariy xulosalar majmui; nazariya.

Falsafiy taʼlimotlar. Sufiylik taʼlimoti. Forobiy taʼlimoti.

Inson koʻzi tushgan nuqtaga yetib borishi mumkin Meʼmor Najmiddin Buxoriy ulugʻ munajjim Ulugʻbek mirzo taʼlimotidagi bu soʻzning magʻzini chaqib, xayol ichida oʻtirardi. — Mirmuhsin, Meʼmor

2. Koʻrsatma, yoʻl-yoʻriq, oʻrgatuv.

Shunday, siz mening haligi taʼlimotim boʻyicha, uning boʻyniga qoʻy soʻyish va toʻn berishni yuklashga harakat qilingiz. — A. Qodiriy, Obid ketmon

sft. Taʼlim koʻrmagan, yaxshi tarbiya olmagan; odobsiz, tarbiyasiz.

Taʼlimsiz bola.

ot Taʼlimot olib boradigan odam.