Поиск

fl. esk. kam qoʻll. Tutmoq; uzatmoq.

— Agar yoʻq deganingizda, boshingizdan quyib yuborar edim, — dedi novchadan kelgan bir yigit unga [pahlavonga] may kosasini sunar ekan. — M. Osim, Sehrli soʻz

Ichiga shabnam yigʻilgan lolaqizgʻaldoqlar unga [kapalakgulga] mayi nob sunar edilar. — M. Osim, Karvon yoʻllarida

sft. 1. Biror usul bilan tabiiyga oʻxshatib yasalgan, tayyorlangan, yuzaga keltirilgan.

Sunʼiy kauchuk. Sunʼiy tola. Sunʼiy buyrak. Yerning sunʼiy yoʻldoshi.

Endilikda jahondagi eng yirik stadionlardagi yugurish yoʻlkalari sunʼiy toʻshamalar bilan ishlanmoqda. — Fan va turmush

Kotibaning koʻkka boʻyalgan qovoqlari, har biri tikanday ajralib turgan sunʼiy kipriklari pirpiradi. — S. Nurov, Maysalarni ayoz urmaydi

2. Tabiiy boʻlmagan yoʻl bilan amalga oshiriladigan; notabiiy.

Sunʼiy yoritish. Sunʼiy sugʻorish.

Uni darhol deraza yoniga yaqinroq keltirishib, sunʼiy nafas oldirishdi. — Yoshlik

Sunʼiy ishlov berilgan, ayollar ziynati hisoblangan olmos brilliant deb ataladi. — Fan va turmush

3. koʻchma Yasama, soxta, yolgʻondakam; nosamimiy.

Sunʼiy tabassum. Sunʼiy xotirjamlik.

Kuyov oldin manzirat qilib koʻrdi. Lekin soʻzlari ancha sunʼiy chiqayotganini oʻzi ham sezdi shekilli, minnatdorchilik bildirib qoʻya qoldi. — S. Anorboyev, Oqsoy

Ochil oʻzini vazmin tutib, tabiiy muomala qilgan sari, Zamira oʻngʻaysizlanar, sunʼiy ravishda bosiq boʻlishga urinardi. — P. Qodirov, Uch ildiz

ot Piyozgullilar oilasiga mansub, lola bargiga oʻxshash uzun bargli oʻtsimon manzarali oʻsimlik va uning gʻuj boʻlib ochiladigan xushboʻy, chiroyli guli.

Sen chindan ham goʻzalsan, Lablaring ol, qirmizi Sochlaringga sunbul band, Koʻzlaring tong yulduzi. — A. Oripov, Yillar armoni

Otabek sunbul isli sochlardan ruh olar, Kumush goʻyo uning bagʻriga singib ketgan edi. — A. Qodiriy, Oʻtgan kunlar

ot 1. din. Hadislarda targʻib etilgan, ibodatda ham, muomalada ham qoʻllanuvchi amal.

Oʻgʻil bolani xatna qilish, uylanib oila qurish, farzandlarga yaxshi ism qoʻyish sunnat amallaridan sanaladi. — OʻzME

Ortiqcha mol-u dunyosidan xayr-u ehson qiladigan va sunnatga amal qilib, bidʼatlarga oʻtib ketmagan kishilarga qanday yaxshi! — Fan va turmush

2. Sunnat toʻyi Oʻgʻil toʻyi, xatna toʻyi.

Qiz chiqaradigan, oʻgʻil uylantiradigan, sunnat toʻyi qiladigan xotinlar oʻz toʻylarini Oʻzbek oyim kengashidan tashqari joʻnata olmas edilar. — A. Qodiriy, Oʻtgan kunlar

3. Sunnat (erkaklar ismi).

ot din. Qurʼondan tashqari sunna(t)ni ham imon-eʼtiqod manbai deb tan oluvchi musulmonlar mazhabi; taqqoslang: shia.

ot 1. astr. (S — katta) Oʻn ikki burjning biri, Asad va Mezon burjlari oʻrtasida joylashgan.

2. Shamsiya yil hisobida oltinchi oyning nomi (22 avgust — 21 sentyabr davriga toʻgʻri keladi).

Sunbulada suv soviydi. — Maqol

Tashqaridagi shox barglarining sunbula shabadasi bilan shivirlashayotgani eshitila boshladi. — Q. Kenja, Notanish gul

Tinib borar ariqlar, Bugʻdoy toʻla sariqlar, Chars bedovlar oriqlar, Hay-hay, jonim sunbula!. — M. Qoʻshmoqov, Ali Qambar