Поиск

ot Yuvinish yoki kir yuvish uchun yogʻ va ishqorlardan tayyorlanadigan, yaxshi koʻpiradigan xoʻjalik buyumi.

Atir sovun. Kir sovun. Sovun koʻpirtirmoq. Yomonning sovunida kir yuvma. — Maqol

Bunda kumush shamdondan tortib juft-juft qilib bogʻlab qoʻyilgan qorakoʻl terigacha, yashik-yashik kir sovundan tortib yuzma-yuz qilib boylangan tagcharmgacha bor edi. — S. Ahmad, Ufq

ot Navroʻzgullilar oilasiga mansub, ildizi sovun oʻrnida ishlatiladigan bir yillik oʻtsimon oʻsimlik.

sft. Sovun koʻpigi aralashtirilgan.

Supurgini ishlatishdan oldin sovunli qaynoq suvda hoʻllab olsangiz, koʻpga chidaydi. — Saodat

ot ayn. Sovungar 1.

Umarali sovunchining nevarasi-da, Shoqosim ancha nobop bola chiqqanidan xabarim bor. Ammo bunchalik gazandaligini bilmasdim. — Mirmuhsin, Umid

ot 1. Sovun ishlab chiqaruvchi kosib, hunarmand.

Sovungarning oʻgʻli Qahhor mening tengdosh oʻrtogʻim, ularnikida bot-bot boʻlardim. — M. Joʻra, Noshirnoma

Men uning tegmayman, deganiga qarab turadigan jonivormanmi? Goʻshtini sixga tortib, yogʻini sovungarga sotaman, bilasanmi? — Hamza, Tanlangan asarlar

2. Sovungarlik sanoatining ishchisi.

Korxona sovungari.

fl. Sovun surtmoq, sovun surtib yuvmoq yoki yuvinmoq.

Kirni sovunlamoq. Qoʻlni sovunlab yuvmoq.

Amaki oʻlguday xasis edi, umrida oyogʻini sovunlab yuvmas — qiyomatda pulsirotdan oʻtib ketayotganida toyib ketarmish — Mirmuhsin, Qahramonnoma

U suvni sharillatib quyib, qoʻlini naridan-beri yuvmoqchi edi, derazadan kuzatib turgan buvi yana oʻshqirdi: — Sovunlab yuv, ikki martalab sovun sur! Basharangni ham yuv! — Mirmuhsin, Umid