Қидирув

сфт. 1. Дард-касалдан холи; соғ.

Соғлом одам,

Зеро, она бўлиш бахти фарзандларни соғлом ва баркамол тарбиялашдек машаққатли меҳнат билан чамбарчас боғлиқ. — Саодат

Соғлом бўлиб доимо, Ёнгинамда юргин сен. — Қўшиқлар

2. Соғлиқни сақлаш талабларига тўла жавоб берадиган; беғубор, тоза, соф.

Соғлом турмуш шароитлари.

3. кўчма Зарарли таъсирдан, салбий хислат, иллат ва шу кабилардан холи; тоза, пок.

Соғлом оила. Соғлом ижтимоий муҳит.

Мазкур йиғилишда мутахассислар бугунги иссиқ иқлим шароитида соғлом турмуш тарзи, тўғри овқатланиш ва кийиниш, шунингдек, сайёҳлик масалаларига алоҳида урғу бердилар. — Газетадан

4. кўчма Руҳий жиҳатдан шикаст етмаган; расо.

Соғ танда — соғлом ақл. — Мақол

Соғлом ақл китобсиз яшай олмайди. — Газетадан

5. кўчма Ғоявий-мафкуравий, маънавий жиҳатдан тоза, пок.

Соғлом фикр.

Жумҳуриятдаги соғлом маънавий-руҳий вазиятни таъминлаш борасида зўр масъулият юклатилганини англаб турибмиз. — Газетадан

от Соғлик, саломатлик, касал эмаслик.

Ақлнинг соғломлиги. Фикрнинг соғломлиги.

Тишченко деган аёл унинг [Малоҳатнинг] соғломлигига, кучига, абжирлигига, айниқса, зеҳнига қойил бўлиб юрар экан. — А. Қаҳҳор, Жонфиғон

фл. Зарарли таъсир, салбий хислат, иллат ва шу кабилардан қутулмоқ; мафкуравий, маънавий жиҳатдан тоза, пок, соғлом бўлмоқ; соғломлашмоқ.

Идора аппарати соғломланди.

фл. 1. Дард-касали ариб, яхши бўлмоқ, соғаймоқ, тузалмоқ.

2. айн. Соғломланмоқ.

Халқаро муносабатлар соғломлашиб бормоқда.

фл. Соғломланмоқ феълининг орттирма нисбати.

н health and fitness