Қидирув

от Ташқи кўриниш, қиёфа.

Сама, оқ тўнлар кўруб, сохтимни инкор айламанг, Бўлмасам ҳамки асл девона, кал девонаман. — Муқимий

Ҳамма вақт яхши кўринадиган қоровул шу тобда унинг [Элмуроднинг] назарида жуда сохти совуқ одамга ўхшаб кетди. — П. Турсун, Ўқитувчи

сфт. 1. Қалбакилик мақсадида аслига ўхшатиб ишланган, ясалган; ясама, қалбаки.

Сохта пул. Сохта имзо.

Мен билан Отабекни қаматиб, дор остига юборувчи, Отабек тилидан сохта талоқ хати ёзиб, бир-биримиздан жудо этувчи баттол Ҳомид экан. — А. Қодирий, Ўтган кунлар

Демак, Сиддиқ Шарипов — отангизнинг сохта исми-шарифи. — Шарқ юлдузи

У бу ишга пухта ўйлаб киришган. Унинг сохта ҳужжатлари шундан далолат бериб турибди. — Ёшлик

2. Етарли асосга эга бўлмаган, асоссиз, пуч.

Сохта даъво. Сохта назария.

[Фотима:] Бўлмаган сохта далиллар билан гапирувчи ифлосларнинг сўзига кириб, бу хилда қилиш яхши эмас. — Ҳамза, Туҳматчилар жазоси

3. Ёлғондакам, таги пуч, юзаки.

Сохта обрў.

4. Самимияцизлик билан шунчаки қилинган, носамимий, юзаки, ясама.

Сохта кулги. Сохта мулойимлик.

— Э, сизмидингиз, Шоқосим ака, танимай қолганим учун кечирасиз, — деди [Ҳафиза] жиндек сохта жилмайиб. — Мирмуҳсин, Умид

Аппон чолунинг сохта, зўраки такаллуфидан ғазабланди. — Ёшлик

Меҳмонлар орасида Марҳабо, талантлар! телевизион конкурсининг икки қатнашчиси ҳам бўлиб, улар сохта камтарликданми ёки тортинчоқликданми, бир чеккада қимтинибгина ўтиришарди. — Н. Аминов, Қаҳқаҳа

от айн. Сохтакор.

от 1. Қалбакилик, юзакилик, ясама эканлик.

Ҳужжатнинг сохталиги.

фақат ароқ ичмаган Отамуродгина бу яқинликнинг сохталиги-ю бу меҳрибончиликларнинг шунчаки, ёʻлига эканини сезиб, ич-ичидан ғижиниб ўтирар, нимагадир унинг кўнгли ғаш эди. — М. Мансуров, Ёмби

2. Сохта иш, хатти-ҳаракат; қаллоблик.

Гоҳо ахлоқ табиатига бегона қилиқлар ҳам учраб қолади. Буларни сохталик ё риёкорлик деб аташ мумкин. — М. Исмоилий, Одамийлик қиссаси

фл. айн. Сохталаштирмоқ.

от

Афанди, семизнинг сохт-сумбатига қараб туриб: — Ўн беш кундан кейин ўласан, дори ҳайф кетади, — деди. — Латифалар