Қидирув

от тиб. Ниҳоятда кучли, фавқулодда таъсиротлар (оғир жароҳат, куйиш, миокард инфаркти, буйрак санчиши, мос бўлмаган қон қуйиш, руҳий касаллик ва шу кабилар) натижасида марказий нерв системаси, қон айланиши, нафас системалари фаолияти ҳамда моддалар алмашинувининг кескин бузилиши билан ифодаланадиган, ҳаёт учун хавфли оғир патологик жараён.

от 1. Дастурхон, сочиқ, дарпарда, рўмол каби буюмларнинг четига-ҳошиясига тикиладиган ёки шу газмолнинг ўзидан титиб чиқариб ясаладиган безак; гажим, попук.

Дастурхон шокиласи.

Ислом барлос қалпоқли бошини оғир тебратди-да, кўзини чодирнинг кўркам уқалари, ранг-баранг ипак шокилалари осилиб турган шипга тикди. — Ойбек, Навоий

[Латофат] Парда шокиласига тирмашаётган капалакни кўрди. — С. Кароматов, Ҳижрон

2. Баъзи буюмларга безак учун осиб қўйиладиган шу шаклдаги тақинчоқлар.

Ўртага осилган катта қандилнинг асоси зарҳалдан бўлиб, элликлаб лампочкалар ва минглаб биллур шокилалар унга зеб бериб турарди. — Т. Жалолов, Олтин қафас

от Катта коса.

Анзират хола бир шокоса ширгурунч келтириб, Сидиқжоннинг олдига қўйди. — А. Қаҳҳор, Қўшчинор чироқлари

Махсум ҳамманинг олдига шокосаларда ширчой қўйди. — А. Мухтор, Опа-сингиллар

от Какао, шакар, сут ва хушбўй дориворлар аралашмасидан қилинадиган аъло сифатли конфет ёки плитка шаклидаги ширинлик.

Бозоров яшикларни очиб қўйди: оқ қанд, шоколад, конфет, совун, атир, упа. — И. Раҳим, Чин муҳаббат

сфт. Шокиласи бор, шокила билан безатилган.

Шокилали дастрўмол.

нос кадисидан шокилали тиқинни шошилмай олди, кафтига носдан солиб, тилининг остига отди. — К. Яшин, Ҳамза

Шифтда оппоқ шокилали баҳайбат қандил, тўрда девор баравар гарнитур — С. Сиёев, Отлиқ аёл

сфт. айн. Шокилали.

Белига шокиладор шойи чилвир боғлаб юрар, чўққи соқоли истарасини яна ҳам иссиқ қилиб кўрсатарди. — Ж. Абдуллахонов, Хонадон