Поиск

sft. 1. Sheʼrga oid, sheʼrga xos.

Boburda bunchalik sheʼriy isteʼdod bor deb oʻylamagan Binoiy bir lahza hayratlanib turdi-yu — P. Qodirov, Yulduzli tunlar

Masal — hajmi uncha katta boʻlmagan, nasriy hamda sheʼriy yoʻl bilan yoziladigan mustaqil syujetga ega boʻlgan epik asardir. — UTA

2. Sheʼr bilan yozilgan.

Sheʼriy asar.

Marmar toshdagi sheʼriy bitik uni goʻyo adl-u insofga, muruvvat va shafqatga undagandek boʻlib turardi. — S. Siyoyev, Yorugʻlik

ot 1. Sheʼriy asarlar majmui; poeziya; sheʼr yozish sanʼati.

Navoiy yashagan davr sheʼriyati.

Kuylandi el tilagi baxshi sozida, Sheʼriyatning eng dilkash, eng tannozida. Uygʻun. Hamza boʻldi menga har qachon Sheʼriyatda yaqin ustozim. — X. Saloh

2. koʻchma Oʻziga maftun qiladigan, oliy his-tuygʻu uygʻotadigan narsa; oʻta goʻzallik, nafosat.

Otabek va Kumush ishqlarida samimiyat, yana toʻgʻrisi, sheʼriyat bor edi. — A. Qodiriy, Oʻtgan kunlar

Qora dengiz, ham sheʼriyating, Ham jangovar koʻrinishing bor. — Uygʻun

Bahorlar haqida kuylamoq oson, Yozning sheʼriyatin topa bil, shoir. — M. Shayxzoda