Поиск

sft. Shaxsning oʻziga tegishli boʻlgan, shu shaxsning oʻzi foydalanadigan; xususiy, oʻz.

Shaxsiy mulk. Shaxsiy kutubxona. Shaxsiy javobgarlik. Shaxsiy manfaatlarni jamoat manfaatlari bilan birga qoʻshib olib bormoq.

Har birimizning jamoat, davlat ishidan tash-qari, shaxsiy yumushlarimiz bor. — N. Safarov, Olovli izlar

Har bir yozuvchining mehnatga, hayotga, oilaga, kishilarga oʻzining shaxsiy munosabati boʻladi. — Shukrullo, Javohirlar sandigʻi

ot Oʻziga xos xususiyatlari bilan boshqalardan ajralib turuvchi muayyan shaxs; shaxsning oʻzligini belgilovchi tomonlari, xususiyatlari majmui; oʻzlik, kim ekanlik.

Shaxsiyati nomaʼlum odam,

Sanʼatkorning ichki dunyosi murakkab ijodiy shaxsiyati alohida sezgir, hayotni tushunish bilan oʻtkirlashgandir. — Gazetadan

Bu tasvirlar orqali qisman avtorning istehzoli, aqlli, hamma narsaga toʻgʻri baho beruvchi va yumorni sezuvchi shaxsiyati ham gavdalanadi. — OʻTA

Otaxon shoirlarimiz bolalar qalbi va psixologiyasini, maʼnaviyatini ochish orqali ularning betakror shaxsiyatini ulugʻladilar. — Fan va turmush

ot s. t. Shaxsiyatparastlikka moyil odam.

sft. Oʻz shaxsiyatini, qadr-qimmatini boshqalardan yuqori qoʻyadigan; faqat oʻz manfaatini oʻylab ish tutadigan; xudbin, egoist.

Bu shaxsiyatparast vahshiylar faqat oʻzlarini oʻylaydilar shaxsiy oʻchlariki olsalar, shu bas! — K. Yashin, Hamza

ot 1. Faqat oʻz manfaatini, shaxsiyatini koʻzlab ish tutish.

Xullas, ana shu shaxsiyatparastlik, yana aniqrogʻi, molparastlik tomonlarini hisobga olmaganda, Karim ancha mulohazali, kasbiga pishiqqina yigit edi. — S. Karomatov, Oltin qum

2. Shaxsiyatparast ekanlik.

U Sanamning makriga uchadi, uylanmoqchi boʻladi-yu, bu borada qizning oʻta tantiqligi, shaxsiyatparastligini sezib qoladi. — H. Gʻulom, Zamin yulduzlari