Поиск

ot kt. Ov qilish, ov.

Shikor qilmoq.

Podsho shikorga chiqqanda, birinchi roʻpara kelgan kiyikni urolmay, yonidagi odamlar oldida qizarib qoldi. — Latifalar

Ot beliga havas bilan minamiz, Bobo, ruxsat bering, shikor qilamiz. — Erali va Sherali

ot kt. Biror narsadan norozilik, shikoyat; hasrat.

Shikva qilmoq.

Nima demoqchisiz, shikvami yo arz? — Mirtemir

Vafosiz dilrabodin shikva qilsam, ayb qilmanglar. — Mahzuna

Bu Muazzam, bu falakdin shikva etsa arzigay. — Muazzamxon

ot 1. Jismoniy zarar, lat.

Shikastni tuzatmoq.

[Bektemir] Suyak shikast topmagan sogʻ qoʻl bilan yarani, qiyin boʻlsa ham, puxta bogʻladi. — Oybek, Quyosh qoraymas

[Poʻlatjon domla:] Tuvakda bir tup gul oʻstirgan odam shu gulning biron yaprogʻiga shikast yetsa, qanchalik achinadi! — A. Qahhor, Ogʻriq tishlar

2. Narsaning zararlangan, buzilgan, singan, lat yegan joyi.

Mashinani qiyalik chetidan olgach, u yoqqa oʻtdi, bu yoqqa oʻtdi, tupurdi, soʻkindi, shikastni topolmadi. A. — Muxtor, Tugʻilish

Madrasa hujralarining shikasti tuzatilib bitmagani uchun, men koʻp shogirdlar singari, kvartirada turib, qatnab oʻqidim. — M. Muhammadjonov, Turmush urinishlari

3. koʻchma Ziyon-zahmat, zarar.

Arabboy koʻpchilik kulgisidan bir oz izza tortdi. Lekin u obroʻsiga shikast yetgan katta bir shaxs kabi kibrona boʻzardi. — P. Tursun, Oʻqituvchi

Yosh bolalarni oʻz erkiga qoʻyib berish ularning tarbiyasiga jiddiy shikast yetkazadi. — N. Safarov, Olovli izlar

sft. Nosogʻ holatli; ezgin, ezilgan, xasta.

Mastura jimgina kulimsirab turaverdi: beozor, begʻaraz, ayni chogʻda qandaydir nochor, shikastami. — E. Aʼzamov, Javob

Faqat dard tomadi shikasta kuydan. — Toʻlqin

Juvon yoqimli, shikasta tovush bilan xirgoyi qilardi. — S. Ahmad, Ufq

ot 1. Norozilik, nolish soʻzi; hasrat.

Uyqusizlikdan shikoyat qilmoq.

Hammaning tilida shikoyat: qimmatchilikdan, mardikor olish voqeasidan, bekorchilikdan shikoyat. — Oybek, Tanlangan asarlar

— Kambagʻalchilik oʻlsin! — xotin bu gapni shikoyat tarzida aytdi, ammo Turobjon buni taʼna deb tushundi. — A. Qahhor, Anor

2. Norozilik va maʼlum talab bilan ogʻzaki yoki yozma tarzda bildirilgan fikr; arz.

Shikoyat — ojizlik alomati.

Shikoyatni oʻziga ep koʻrmay, jim oʻtirdi Ahmad. — F. Musajonov, Himmat

Koʻpchilikning arz-dodiga quloq solmagandan keyin shikoyat oqaveradi-da. — Mushtum

Yo Qoʻqon hokimi Medinska janobi oliylariga arz qilarsan Bor, bora qol, shikoyat qila qol. — K. Yashin, Hamza

3. ayn. Shikoyatnoma.

Shikoyat va tavsiya daftari.

Kasabaqoʻm ishchi va xizmatchilarning shikoyatlarini korxona maʼmuriyati bilan birgalikda koʻrib chiqadi. — Gazetadan

Hukmlar toʻgʻrisida shikoyat berish erkinligi koʻzda tutiladi. — Gazetadan

sft. Norozilik, shikoyat yoki nolishni ifodalovchi, hasratli.

Darrov koʻzlariga qaygʻuli jilva berdi shikoyatli tovush bilan, goʻyo oʻz-oʻziga soʻzlagan kabi mingʻirladi. — Oybek, Tanlangan asarlar

— Asli bizning holimizni soʻramang! —

deydi shikoyatli ohangda Berdi tatar, — biz boshda shu Obid ketmon deganni oʻz ichimizga oʻylamasdan olgan ekanmiz. — A. Qodiriy, Obid ketmon