Qidiruv

sft. 1. Sidqidillik bilan, chin qalbdan, yurakdan qilingan, aytilgan; yurakdan, dildan chiqqan.

Lekin Mashrab Masturaning gaplaridan emas, uning ovozidagi gʻururdan, bolalarga xos samimiy quvonchdan jilmaydi. — O. Yoqubov, Er boshiga ish tushsa

Elmurod kampirning samimiy muomalasini koʻrib: — Salomat boʻling, onajon, — dedi. — P. Tursun, Oʻqituvchi

2. Samimiyat bilan ish tutuvchi, sofkoʻngil; pok, toza.

Samimiy odam,

Sherali bu sodda, samimiy qizning bolalardek xatti-harakatini koʻrib taajjublandi. — S. Karomatov, Oltin qum

Unsinning yuragi, akasining yuragi kabi, Gulnorga nisbatan toza ham samimiy. — Oybek, Tanlangan asarlar

ot Chin koʻngildan, begʻaraz, sidqidillik bilan qilingan xatti-harakat; samimiylik.

Koʻzlarida muloyimlik, samimiyat chirogʻi parpirab yonib turardi. — X. Toʻxtaboyev, Shirin qovunlar mamlakati

Qutidor mehmonlarni ixlos va samimiyat bilan kutar, ziyofat quyuq-suyuqlari bilan toʻla-toʻkis davom etar edi. — A. Qodiriy, Oʻtgan kunlar

ot Samimiy munosabatda boʻlishlik.

Obid Yoʻldoshevich bu tabrikning qanchalik samimiyligini bilmoqchi boʻlganday, Muhammadjonga sinovchan nazar bilan tikilib, rahmat aytdi. — P. Qodirov, Uch ildiz

Samimiylik qizlarning kelajak hayotlarida eng zarur va olijanob fazilatlardan biridir. — Saodat

Boylik bor joyda samimiylik oʻrnini soxtalik egallaydi. — F. Musajonov, Himmat

sft. Samimiylikni bilmaydigan, riyokor, munofiq; soxta, qalbaki.

Samimiyatsiz odam.

fl. Tobora samimiy boʻlmoq, samimiyligi orta bormoq; samimiylik kasb etmoq

Ularning munosabati yana ham samimiylashdi.

Qistirma, chandishlar bolalar repertuarida hozir ham ancha aktiv boʻlib, davr taqozosiga koʻra, tobora takomillashmoqda, mazmunan samimiylashmoqda. — OʻTA

ot Samimiy emaslik, samimiyati yoʻqlik; riyokorlik, soxtalik.

Bu yerdagi samimiyatsizlik va munofiqlik, bir-birini aldash Elmurod uchun oddiy bir haqiqat boʻlib qolgan edi. — P. Tursun, Oʻqituvchi