Қидирув

сфт. 1. Оқиш ва ўзи ишғол қилиб турган идиш шаклини олиш хусусиятига эга бўлган.

Суюқ жисм. Суюқ модда, Суюқ ёқилғи.

Суюқ шиша.

Кимёвий фаол, қаттиқ, суюқ ва газсимон моддалар билан реаксияга киришади. — Ўзме

2. Суви меъёридан ортиқ ёки нисбатан кўп бўлган; серсув.

Я на бир кетмон урганда, ажриқзордан билқиллаб суюқ лой чиқди-да, кейин кучли тиниқ сув тикка отилди. — И. Раҳим, Чин муҳаббат

3. Маза, куч берувчи таркибий қисми меъёридан кам ёки нисбатан оз бўлган; кучсиз.

Суюқ сут. Суюқ қатиқ. Суюқ эритма.

Ҳайдарбойнинг кўримсиз чойнакларидаги қуюқ ва суюқ чойлари бу ердаги жуда кўп одамларнинг ҳам, ўтган-кетган ёʻловчиларнинг ҳам чанқовини босиб туради. — П. Турсун, Ўқитувчи

4. Унчалик қалин, зич бўлмаган, ҳаккам-дуккам, сийрак.

Суюқ тутун.

Офтоб ҳали қор ташлаган суюқ, оқиш булутлар ортидан чиқмаган бўлса ҳам, тушга бориб, ҳамма ёқ илиб кетди. — П. Қодиров, Уч илдиз

5. кўчма Мазмунан саёз, сийқа ёки бемаза.

Суюқ гап. Суюқ асар.

— Постановканг ёғи олинган сутга ўхшайди, суюқ, — деб танқид қилдим. — С. Абдуқаҳҳор, Санамай саккиз дема

6. кўчма Фаҳш ёʻлига кирган; бузуқ.

Суюқ эркак.

[Умар] Кўп юрди, кўп топди, топганини совурди. Албатта, у пуллар суюқ аёллар ёʻлига кетди. — Ш. Холмирзаев, Бодом қишда гуллади

от 1. Оқиш ва ўзи ишғол қилиб турган идиш ҳажмини олиш хусусиятига эга бўлган модда.

Кичкинагина, пенициллин шишасида қандайдир оппоқ суюқлик эди. — С. Аҳмад, Жимжитлик

Жазирама ёз кунлари янтоқ ўзидан сарғиш елимга ўхшаш суюқлик ажратиб чиқаради. — Фан ва турмуш

У кунда уч маҳал беморнинг қон томирига игна санчиб, аллақандай суюқлик юборади. — С. Сиёев, Аваз

2. физ. Модданинг қаттиқ ва газсимон ҳолатлари ўртасидаги механик ҳолат.

Модданинг суюқлиги. Сутнинг қуюқ ёки суюқлигини ўлчамоқ.

3. кўчма Суюқ кишиларга хос иш, хатти-ҳаракат, юриш-туриш, қилиқ.

Кунлардан бирида у, беадаблик қилгани учун, бир шаддод қиздан шапалоқ егани эсида. Ўша-ўша, Валивой қизларга суюқлик қилмайдиган бўлди. — Ҳ. Назир, Онаизор

фл. айн. Суюлмоқ И.

Органик моддалар 350-380°да суюқланади. — Ўзме

молекулалари бетартиб жойлашиб, вақти-вақти билан бир мувозанат вазиятидан бошқасига сакраб ўтиб турадиган моддалар.Жидкости — это вещества, в которых молекулы расположены неупорядоченно и время от времени совершают перескоки из одного положения равновесия в другое.

(натрий силикати) кварсли қумни калцийли сода ёрдамида эритиб олинади. Сувдаги эритмаси қуюқ, тўқ сариқ-сарғиш, қўнғир рангли суюқлик, зичлиги 1,36—1,5 г/см³. Асбест оқ рангли, толасимон модда. Сувда деярли эримайди. Камгилли бурғилаш эритмалари структурасини яхшилашда ишлатилади.

фл. 1. Суюқ ҳолга келмоқ, суюлмоқ.

2. кўчма Мазмунан саёзланмоқ, сийқалашмоқ ёки бемазалашмоқ.

3. кўчма Ахлоқий жиҳатдан бузилмоқ, ёмонлашмоқ.