Қидирув

от Баъзи асбобларнинг қўл билан ушланадиган қисми; тутқи, даста, банд.

Теша сопи. Қошиқнинг сопи. Ўғирнинг сопи. Ёʻқолган пичоқнинг сопи олтин. — Мақол

Олтмиш ёшлардаги жиккак чол тешасининг сопини белбоғидан ўтказиб, сўрига келади. — С. Аҳмад, Жимжитлик

— Чиқинглар, — Бек атрофга сергак қулоқ тутиб, ҳеч сас эшитмагач, шундай шивирлади ва ханжарининг сопидан янада маҳкамроқ чангаллади. — Ёшлик

Бундай тиғли, сопи гулдор пичоқни фақат Хўжанд усталари ясарди. — Мирмуҳсин, Темур Малик

сфт. Соп ўрнатилган, сопи бор.

Калта сопли кетмон.

[Саидқул] Пичоқни қинидан чиқарди. Дандон сопли ўткир тиғ эди, сопига гуллар чекилган, ялтиллаган асл мол. — М. М. Дўст, Лолазор

от Махсус лойдан ясаб, олов-да қиздириб тайёрланадиган маҳсулот.

Сопол товоқ. Сопол қувур. Сопол тувак. Сопол чинни бўлмас, бегона — ини. — Мақол

Нусратбек болишга ёнбошлаб, катта сопол товоқдаги сермой чалобдан ичди. — С. Нуров, Майсаларни аёз урмайди

Бахт мана бу чиройли сопол кўза эмаски, сотиб олиб келсанг-да ёки ота-онанг олиб берса-ю, маҳлиё бўлиб ўтирсанг. — А. Мухтор, Асарлар

от Ясси ва чўзиқ (асосан бош ва юз тузилиши, бичими ҳақида).

Сўпоқ бош. Сўпоқ (бош) бола,

Не кўзи билан кўрсинки, қизнинг рўпарасида турган —

Қултой калла эди. Унинг катта сўпоқ боши чироқ, ёруғида тебранди. — А. Мухтор, Асарлар

Сўпоқ бошнинг таклифи билан қафасни боғнинг гадой топмас бир чеккасига кўчиришганди. — Шарқ юлдузи

от тар. Ичига тош солиб отиладиган қадимги содда қурол.

Сағирнинг ҳақи — сопқоннинг ўқи. — Мақол

Йигитлар дарахтларда, тоғ унгурларида туриб, соп-қон отиб, ёвни шунча думалатиб турсалар ҳам, у газандалар борган сари кўпая берибди. — Ойдин, Олтмиш газ арқон

Сопқондан қушларга тош отиб юрган — Ш. Холмирзаев, Сайланма

от 1. Сопол парчаси.

2. Болаларнинг бир қанча ўйинларида ишлатиладиган ясси сопол ёки тош.

Сополак ташламоқ.

Баъзи одамлар қизларига тўп-тош, лапар ўйнашлари учун силлиқ сополаклар ҳам териб кетишади. — Ш. Бўтаев, Қўрғонланган ой