Qidiruv

ot 1. Davlat tomonidan amaldagi qonunlar asosida yuridik va jismoniy shaxslarning daromadi yoki mol-mulkidan undiriladigan va byudjetga oʻtkaziladigan majburiy toʻlov.

Mahalliy soliq. Daromad soligʻi. Soliq yigʻmoq. Soliq toʻlamoq.

Uning [Musulmonqulning] oʻz kayficha oyda emas, haftada solib turgan soliqlari fuqarolarning terisini shilsa ostirib, kestirib turishi xosni ham esankiratdi. — A. Qodiriy, Oʻtgan kunlar

Soliq imtiyozlari berishning xilma-xil shakllari jahondagi koʻpgina mamlakatlarning soliq amaliyotida qoʻllanadi. — OʻzME

2. Biror xarajatni qoplash, biror maʼraka-marosimni oʻtkazishga yordam berish maqsadida oʻzaro kelishib, koʻpchilikka (aso-san qarindoshlar va yaqin kishilarga) sochilgan, taqsimlangan toʻlov, yigʻim.

3. etn. Oliq-soliqdagi bitimga muvofiq, kuyov tomondan kelin tomonga berilishi lozim boʻlgan pul va narsalar.

ot Soliq oluvchi, yigʻuvchi, toʻplovchi.

Ilgarilar bu yerga yelkasiga miltiq taqib, yonboshiga charm xalta osgan otliqlar kelar, odamlar ularning qorasini uzoqdan koʻriboq, soliqchi derdilar va bekinishga joy axtarib, tirqirab ketardilar. — P. Tursun, Oʻqituvchi

ot tar.

Qayta unday tekinxoʻrlar beva-bechoralarni kemirdilar. Qani, ular oliq-soliq bilan qanoatlansalar ham goʻrga edi. — Hamza, Tanlangan asarlar

etn. Qudalar orasida bir-biriga beriladigan narsalar haqidagi muzokara va shu muzokara natijasida yigit tomondan qiz tomonga beriladigan qalin va boshqalar

Toʻylarimizda oliq-soliqlar, oldi-berdilar borgan sayin koʻpayib boryapti. — Gazetadan