Поиск

ot Bolalikdan balogʻat yoshiga oʻtish davridagi, 12-16 yoshdagi bola.

Atrofida — uning latifalariga, qiziq-qiziq hangomalariga mushtoq boʻlgan besh-oltita oʻsmirlar. — S. Anorboyev, Oqsoy

Oʻzining mehnat faoliyatini boshlayotgan oʻsmir alohida muomalaga, koʻproq eʼtiborga muhtoj boʻladi. — Gazetadan

sft. 1. Kosmosga, koinotga, unda mavjud narsalarga oid, uni oʻrganish uchun xizmat qiladigan.

Kosmik aloqa. Kosmik kema. Kosmik stansiya. Kosmik televideniye. Kosmik tibbiyot. Kosmik fizika,

Fizik olimlar yaqin vaqtlarga qadar kosmik boʻshliqni oʻrganishni faqat orzu qila olar edilar. — Fan va turmush

1960 yil 19 avgust kuni ikkinchi kosmik kema Yer yoʻldoshi orbitasiga uchirildi. — H. Shokirova, Parvozlar

2. koʻchma Juda tez, kosmik tezlik darajasida roʻy beradigan.

Qurilish ishlari kosmik jadallikda bormoqda.

sft. Maqsadini, sirini birovga aytmaydigan, indamay ish bitiradigan, ichidan pishgan (odam).

Pismiq odam. Sodda siri tilida, pismiq saqlar dilida. — Maqol

Kundoshingning koʻrinishi bayovga oʻxshasa ham, ammo oʻzi pismiq ekan Bunday odamdan, albatta, hazar kerak. — A. Qodiriy, Oʻtgan kunlar

Soddadil va koʻngilchan Rahim akani, pismiq va yumshoqsupurgi Ibodovni, sergʻayrat va uddaburon Xalil akani ham esladi. — F. Musajonov, Himmat

sft. 1. Hukumat, davlat yoki biror tashkilotga oid, shular tomonidan belgilangan.

Rasmiy vakil.

Oʻrdaga ariza bilan murojaat qiladigan har kim, hatto rasmiy kishilar ham avval maslahat soʻrash uchun Anvarning yoniga kelar edilar. — A. Qodiriy, Mehrobdan chayon

Taʼkidlanganidek, Oʻzbekiston va Ukraina rasmiy delegatsiyalarining kengaytirilgan tarkibdagi muzokaralarida, asosan, iqtisodiy masalalar muhokama etildi. — Gazetadan

U hech kimga, ayniqsa, rasmiy kishilarga oilaning ikir-chikirlaridan gapirmasdi. — Oʻ. Umarbekov, Yoz yomgʻiri

2. Hukumat, davlat organlari yoki biror tashkilot tomonidan eʼlon qilingan, chiqarilgan, tarqatilgan.

Rasmiy maʼlumot. Rasmiy axborot.

Bunga tashkilotlar va shaxslar oʻrtasidagi rasmiy ishga taalluqli boʻlgan xatlar, yozishmalar kiradi. — OʻTA

Ular asosan rasmiy xabarlarni eʼlon qilish bilan cheklanadilar. — Gazetadan

V. V. Reshetov 50 dan ortiq doktorlik va kandidatlik dissertatsiyalariga rasmiy opponent boʻldi. — OʻTA

3. Qonuniy ravishda tasdiqlangan, rasmiylashtirilgan.

Rasmiy hujjatlar. Rasmiy tashkilot.

Mamlakatimiz mustaqilligining rasmiy darajasini xalqaro maydonda yanada yaqqolroq koʻrsatish uchun shunday tashriflar boʻlishi lozim. — Gazetadan

Har ehtimolga qarshi rasmiy qogʻoz olib kelgandim. — Sharq yulduzi

4. Hamma qoidalarga, rasmiyat talablariga rioya qilib bajarilgan, oʻtkazilgan.

Rasmiy taklif. Rasmiy majlis,

U [professor Jamolov] prezidiumga chiqib oʻtirishi bilan, rasmiy qism oʻz-oʻzidan yurishib ketdi. — J. Abdullaxonov, Oriyat

Hali rasmiy soʻz olganimcha yoʻq. — Sharq yulduzi

Jumladan., rasmiy tashrif vaqtida Yevropa qayta tiklanish banki bilan bitim imzolandi. — Gazetadan

5. koʻchma Quruq rasmiyat yuzasidan bajarilgan, quruq rasmiyatdan iborat boʻlgan.

— Afv etasiz, — dedi Toʻgʻaysari rasmiyroq ohangda. — Sh. Xolmirzayev, Qil koʻprik

Sovchilar shunchaki rasmiy narsa. — Sharq yulduzi

Umuman, jamoat oldida gapirishni sezmaydigan odam: oʻzining imomlik vazifasiga ham juda rasmiy ravishda qaraydi. — Choʻlpon, Kecha va kunduz

6. koʻchma Quruq, sovuq.

Zamira ogʻzaki quruqqina soʻrashdi, Ochil ham rasmiy salom berdi. — P. Qodirov, Uch ildiz

7. Davlat yoʻli bilan olib boriladigan muomala, yozishma va hujjat tiliga xos boʻlgan; maktubiy.

Rasmiy uslub.

Maʼlum boʻlishicha, bu odam ham mazkur tilni rasmiy, qayerdadir tasdiqlangan til deb bilar, bu tilda soʻzlanadigan oʻlik nutqqa jon kirgizgani qilinadigan har xil harakatni quyushqondan tashqari chiqish deb hisoblar ekan. — A. Qahhor, Quyushqon

Respublikamizda oʻzbek adabiy tilining rasmiy-ish uslubini oʻrganish boʻyicha ilk qadam qoʻyilgan. — Ish yuritish

8. Odatdagi, oddiy, rasmona.

Rasmiy uy.

Mana, koʻrmaysanmi, rasmiy odamdan buning nima farqi bor? — Oydin, Koʻngli toʻldimi, yaxshi yigit

ot

Biz Nil yoqalarida nilufarlarday ochilib, yasminlarday gullab turgan bir yurakni koʻrdikki, bu Misrning qalbidir. — S. Akbariy, Sevgi bilan tirilgan yurak

ot Dukkaklilar oilasiga mansub oʻsimlik va uning doni.

Yasmiq shavla.