Қидирув

от Мураккаб ЭҲМ қисмлари билан жиҳозланган кўп вазифани бажарувчи телефон.

Осиб қўйиладиган, осиб қўйиш учун мослаштириб ясалган; осиб қўйилган.

Осма чироқ. Осма календар. Осма кўприк. Осма култиватор. Осма соат.

Ғуломжон баландда кесиб ўтган темир ёʻл осма кўпригига етмай, бир табақали кичик эшикни очиб, ичкари кирди. — М. Исмоилий, Фарғона тонг отгунча

У

ўрнидан турганида, девордаги осма соатнинг мили иккини кўрсатиб турарди. — С. Зуннунова, Олов

сфт. 1. Босмахонада босилган, чоп қилинган, нашр этилган.

Қўлёзма ва босма асарлар.

Мустақиллик даврида босма маҳсулотлар янада кўпаяди. — Газетадан

2. от. эск. айн. Нашр.

Эҳсон стол устида ётган бир китобчани Саидийнинг олдига сурди: — Буни кўрдингизми? Иккинчи босмаси. — А. Қаҳҳор, Сароб

Адабий ходимнинг асосий вазифаларидан бири — материални таҳрир қилиб, босмага тушириш. — Ф. Мусажонов, Ҳиммат

— “Истеъдод“ нима дегани-а? Ҳеч тушунмадим-да шу гапга, — деди Ҳусниддин. Муса яқиндагина босмадан чиққан, ҳеч қўлидан туширмайдиган луғатни олди-да, тез варақлаб топди: — Талант — деди. — П. Турсун, Ўқитувчи

3. айн. Босмахона.

У Хевада босма очиб (1874 йил), кўп китоблар бостирган. — Ж. Шарипов, Хоразм

4. Нашриёт, ношир, нашрчи.

Сен Ота-жон босма билан бир сўллаш. Тошбосмада Авазнинг шерларини чоп этиб, нусхасини кўпайтирсин. — С. Сиёев, Аваз

5. Каштачиликда кенг тарқалган яхлит гул-чоклардан бири.

Айвонда босма гулли бўз кўрпа ёпилган пастаккина танчада қизлар ўтирарди. — Ойбек, Улуғ ёʻл

Босма тиккан ботир қиз, Жамалай тиккан чевар қиз. — Бойчечак

6. Жундан тайёрланган, тикилган (мато ёки уст кийим ҳақида).

Босма чакмон. Босма кигиз.

Босма чакмонни ечиб, сандалга оёғини тиқди. — М. Ҳазратқулов, Журъат

7. Кулолчиликда сопол идишларни безашда қўлланадиган гул нусхалари.

8. Сиёҳни шимиб қуритадиган қоғоз ва шундай қоғоз ўрнатилган асбоб.

Жалғаш Нуримбетов ғазаб билан кириб, Пошшохон Мадраҳимованинг бошига сиёҳдон ёнидаги сўлақмондек босма тош билан туширди. — Муштум

9. Босқин, босқинчилик.

Ҳамма ўғри, каллакесар, ялангоёқларнинг бошида Акбарали ўзи туради! Кечалари йигитлари билан босма қилади! — Чўлпон, Кеча ва кундуз

от 1. Кесиб, қирқиб тайёрланган, ажратиб олинган.

Кесма милтиқ.

Бир оздан кейин шоир иккита нон ва жуда нафис ишланган гулдор лаганчада кесма ҳалво олиб чиқди. — Ойбек, Навоий

Дастурхон ёзиб икки коса кесма ош олиб чиқди. — М. Осим, Тилсиз гувоҳ

2. мат. Тўғри чизиқнинг икки нуқтаси орасидаги ва шу нуқталарни қўшиб ҳисоблагандаги қисми.

от 1. Узун, энсиз тери.

Ботир арслонни ўлдириб, терисидан бир тасма олди. — Эртаклар

2. Шундай кўринишда бўлган, боғлаш, бириктириш ва шу кабилар учун ишлатиладиган, тери ёки пишиқ матодан ясалган энсиз буюм; қайиш, камар.

Юган тасмаси. Милтиқ тасмаси.

Бобоқул ота қўзичоқнинг қўлтиғидан брезент тасма тортарди-да, кичкинагина тарозининг илгагига илиб кўтарарди. — С. Анорбоев, Оқсой

Кейин қизил дастали устарани тасмага шарт-шарт қайраб, чамадонга жойлаштирди. — Гулдаста

Бошлиқ ориқ, чўзинчоқ юзли, бир кўзи ингичка тасма билан бойланган новча киши эди. — С. Аҳмад, Ҳукм

3. Баъзи бир механизмлар ёки транспорт мосламаларининг тўхтовсиз ҳаракатланиши ва бошқалар вазифа учун қўлланадиган, чарм ёки бошқа пишиқ тўқимадан ишланган узун буюм; лента.

Вентиляция тасмаси.

Яқин келгусида ҳозиргидан уч баравар кўпга чидайдиган капрон тасма ишлаб чиқариш ёʻлга қўйилади. — С. Абдуллаев, Газламанинг умри

Шпинделларни ҳаракатга келтирувчи тасма, вентиляторларнинг шкивлари шу вақтгача ўрнатилмабди. — Газетадан

4. кўчма. Лента.

Бир дам олиш куни Тошкент радиосидан иккита мухбир келиб, сўзимизни магнит тасмасига ёзиб олди. — Т. Расулов, Сарбон

рвш. Жисмоний жиҳатдан, жисмоний.

У [Камолиддин] ҳикоя асноси ортиқ ҳаяжонлангани учун руҳан ва жисман чарчаган эди. — Т. Жалолов, Олтин қафас

Ғафур Ғулом орамизда жисман ёʻқ. — Газетадан