ot Sirka kislotaning suvdagi eritmasi — mevalarni konservalashda, ovqatga qoʻshiladigan ziravor sifatida ishlatiladigan oʻtkir hidli, achchiq-nordon mazali suyuqlik (uy sharoitida uzum, olma va shu kabilar shirin mevalarning sharbatidan ham maxsus usulda tayyorlanadi).
Uzum sirkasi. Ovqatga sirka solmoq.
Ovqatga murch, piyoz, sirka kabilarni qoʻshish, limon suvi yoki nordonroq dorilar berish ishtaha paydo qilishi mumkin. — N. Ismoilov, Kasallarni parvarish qilish
Toʻlagan engashib, dasturxonning bir chetiga soqolini artdi, don tiqilgan tovuqday boʻynini choʻzib kekirdi, sirka ichganday aftini burushtirib: — Juda toʻydim Azbaroyi xudo! — A. Qahhor, Tanlangan asarlar
- Sirkasi suv koʻtarmaydigan (odam) Gap koʻtarmaydigan, taʼbi nozik odam. Majlis-da unga: — Sen bola, chuchvarani xom sanab yuribsan. Shoshma hali, joʻjani kuzda sanaymiz. Bu qanaqasi, sirkang suv koʻtarmaydigan boʻlib qopti, — deyishdi. S. Ahmad, Saylanma. Haqiqatda, [Ismoil ota] sirkasi suv koʻtarmaydigan odam. — U. Nazarov, Ismoil tajang