Qidiruv

sft. 1. Tekis, tep-tekis, gʻadir-budursiz.

Tosh shu qadar silliqki, goʻyo haykaltarosh xoʻp hafsala bilan yoʻngan-u, koʻtarolmay tashlab ketgan deysiz! — H. Nazir, Soʻnmas chaqmoqlar

Sherali Ogʻajonga qoʻl uzatib koʻrisharkan, uning xotinlarnikidek silliq yuziga qarab, eshitilar-eshitilmas gʻoyat mamnunman, deb qoʻydi odob yuzasidan. — S. Karomatov, Oltin qum

2. Sirpanchiq, sirgʻanchiq, oynadek.

Silliq muz.

[Bektemir) Nam, silliq qiyalikdan sirpanib, yana suvga shalop etib tushdi. — Oybek, Quyosh qoraymas

3. Bejirim, tekis, jiloli.

[Joʻraxonning] Durrasi silliq sochlaridan sidirilib, pastga tushdi. — M. Ismoiliy, Fargʻona tong otguncha

4. koʻchma s. t. Qad-qomati kelishgan, bejirim, chiroyli.

Sirti silliq juvon.

Durust, silliqqina yigit ekan, deb oʻyladi u yuragi tirnalib. Oʻ. — Hoshimov, Qalbingga quloq sol

Olimxon zamonasiga muvofiq, oliftanamo, yoshiga nisbatan chiroyli, silliq kishi edi. — Oybek, Tanlangan asarlar

5. koʻchma Kamchiliksiz, ravon (til, uslub, nutq va shu kabilar haqida).

Silliq uslub. Silliq gapirmoq. Silliq nutq.

Pochchayevning toʻgʻri, silliq gaplari uzoqdan dona-dona yangrab eshitilardi. — A. Muxtor, Tugʻilish

6. Kishiga yoqadigan, qattiq tegmaydigan, yumshoq.

Silliq muomala.

[Sobir aka:] Silliqqina qilib javob berdim. Sen nima deysan, ayasi?0. — Yoqubov, Pyesalar

7. Muammosiz; koʻngildagidek, toʻsiqsiz; bekam-koʻst; bejanjal.

Ammo oldindan tuzilgan rejalar hamisha ham silliqqina amalga oshavermaydi. — S. Karomatov, Oltin qum

Bu uchinchi xotinimdan ham xamirdan qil sugʻurgandek — silliqqina qutulmoqchi edim, biroq otim ishning pachavasini chiqarib qoʻydi. — Mushtum

8. Tovushsiz; sezdirmasdan.

Dilimardon mushukday silliqqina kirib kelganini va sinf jurnalini almashtirayotganini hech kim sezmay qoldi. — Gazetadan

9. maxs. Bir tekisda, bir maromda, ravon, shovqinsiz.

Toʻgʻri, ishni qoyil qilasan, mashinalar doim silliq aylanadi. — F. Musajonov, Kamtarin ishchi

ot 1. Tekis ekanlik, bejirimlik; ravonlik. Yuzning silliqligi.

U [Nusratbek] onasining qattiq qoʻllarini uqalayotganida, oʻzining qoʻllari oppoq, semiz, silliqligini sezib uyalgan edi. — S. Nurov, Narvoy

2. Xushmuomalalik, yumshoqlik; osonlik.

Shu orada gʻalamis oralab, ilonning haqini yegan, degan gap chiqib qoldi. Silliqlik bilan, oʻz arizamga binoan quyon boʻlib qoldim. — S. Ahmad, Saylanma

Qiyshiq chiziqlar chegaralarini silliqroq qilish, obyektlar chetlarida paydo boʻladigan “tishchalar”ni yoʻq qilish maqsadida qoʻllaniladigan tasvirlarga ishlov berish texnologiyasi. Silliqlash texnologiyasi 1972 yilda Massachusets texnologik institutida (AQSH) yaratilgan.inglizchaanti-aliasingruschaсглаживание

fl. 1. Turli materiallar (metall, tosh, yogʻoch va boshqalarga) ishlov berish bilan ularni silliq qilmoq, sayqal bermoq.

Toshni silliqlamoq. Yaxmalakka suv sepib silliqlamoq.

U toldan qilingan yangi ketmon sopini oyna bilan qirtishlab silliqlar, xayolida esa Eralini achitib olayotgan edi. — A. Muhiddin, Gʻanisher

2. koʻchma S. t. Qayta ishlab, kamchiliklardan xoli, bekam-koʻst, ravon qilmoq.

Uslubni silliqlamoq. Tilni silliqlamoq.

Gulnor oʻz doʻsti, sirdoshi Zaynab bilan maslahatlashib, Yoʻlchiga xat yozishga qaror qilgan va soʻzlarini aytib turgan; otin qiz esa, Gulnor soʻzlarini silliqlab, qogʻozga koʻchirgan. — Oybek, Tanlangan asarlar

3. koʻchma Qoʻpol, dagʻal gapni toʻgʻrilamoq, yumshatmoq.

— Dadangiz shunchalik degan boʻlsalar, xudo xayr bersin, — dedi Sidiqjon, qoʻpol ravishda aytgan gapini silliqlash uchun — A. Qahhor, Qoʻshchinor chiroqlari

1. tegislew, shıray beriw

2. awıs. qayta islew

3. awıs. jumsartıw

fl. Silliqlamoq feʼlining majhul nisbati.