Қидирув

от Ислом дини тарқалган мамлакатларда, аввало, билимдон кишиларга, сўнгра уламо ва фақиҳларга берилган ном; кейинчалик муқаддас жойларнинг мутасаддилари ҳам шайх деб юритилган.

Миркарим дарров ўз қиёфасини ўзгартириб олди: бошига катта салла ўради, эгнига кимхоб тўн кийди ва вақтинча авлиё шайхга айланди. — П. Турсун, Ўқитувчи

Амирлар, шайхлар, уламолар кенгашиб катта қўшин билан боришга фатво берилди. — М. Маҳмудов, Мангу куй излаб

Шу куни отасининг мозорига бориб, шам ёқди, қабристондаги шайхларга назр берди Малак. — Мирмуҳсин, Ёʻқолган жавоҳир

от Шайх мақоми, лавозими.

— Шайхлик муборак, — деди Нодиров, Бобомирзага ҳазил қилиб. — И. Раҳим, Тақсир

Миркарим Тўқсонов Шоҳимардонга қочди — амакисининг у ерда шайхлик қилишини билар эди. — П. Турсун, Ўқитувчи

от дин. Мусулмон руҳонийлари бошлиғининг унвони, олий диний унвон ҳамда шу унвонга эга киши, бош руҳоний.

Ҳусайн Бойқаро шайхулисломдан шариатга доир бир масалани сўради. — Ойбек, Навоий

Шайхулислом Исомиддин ҳазратлари ҳам шаҳзода ёнидаги чодирлардан бирида. — Мирмуҳсин, Меъмор

от Шайхонтоҳур ҳудудида яшовчи шахс.