Қидирув

фл. 1. “Шатир“ этган овоз чиқармоқ; шатир-шутур қилмоқ.

Қуруқ ўтин шатирлаб ёна бошлади.

Жимжит хонада тарновлардан тушаётган сувнинг шатирлаши эшитилиб турарди. — П. Қодиров, Уч илдиз

2. с.т. кўчма Жадал ёки шиддат билан ҳаракат қилмоқ; шахдам одим отмоқ.

Қирқ йигит тўп бўлиб, шатирлаб, бирдан келиб қолди. — Хушкелди

фл. 1. Шатирламоқ 1 феълининг орттирма нисбати.

Майнанинг тасаввурида кийиклар галаси пайдо бўлди. У тош, шағалларни шатирлатиб, ҳозир ёнбошидан югуриб келишини, улардан семизгинасини отиб олишни истади. — Ш. Тошматов, Эрк қуши

Солдат, офицерлар эртаги жангга тайёргарликни кўра-ётганда — эрталаб ёмғир шатирлатиб турганди. А. Муҳиддин, Ҳ. — Тожибоев, Оташ қалбли қиз

2. кўчма Бирор иш-ҳаракатни шошилинч равишда, жадал бажармоқ.

Олмаларни шатирлатиб узмоқ.

Шатирлатиб кўксултонни қираётган Турғун жим бўлиб қолди. — Ойбек, Болалик