Izohli lugʻat
· yana 3 ta lugʻatda
ot shv. Achchiq-chuchuk.
Shakarobga tuz sepmoq.
— Kelin, pomidor olib chiqing, bekor oʻtirmay, shakarob qila turaman, — dedi usta. — T. Alimov, Odamsiz uylar
Sadbarxon boʻlsa, shakarobga piyoz toʻgʻrayotgan edi. — S. Zunnunova, Goʻdak hidi
- Shakarob soya Daraxt barglari oralab tushgan parcha-parcha soya. Tollardan toʻkilgan shakarob soya Durra ham boʻlolmas uylar tomiga. — H. Sharipov
- Shakarob qilib suv sepmoq Chelakdagi suvni qoʻl bilan sachra-tib sepmoq. Jikkakkina samovarchi, kechki choyxoʻrlarni kutib olish uchun, paqirdagi suvni ayaganday, chimdim-chimdim shakarob qilib, soʻrilar yoniga sepmoqda. — A. Muxtor, Opa-singillar