Qidiruv

ot Ayash, rahm his-tuygʻusi; shunday his-tuygʻuli munosabat.

Ogʻa-inilar oʻzlarining ahilligi, bir-biriga mehri, shafqati bilan hammaning diqqatini jalb etar, havasini keltirar edi. — Oybek, Quyosh qoraymas

Kimki ulugʻroq — anga xizmat kerak, Kimki kichikroq — anga shafqat kerak. — Gazetadan

Bu gal ham uning moʻltirab qarab turishi xotinida shafqat emas, gʻazab qoʻzgʻatganiga ishonmasdi. S. — Ahmad, Saylanma

sft. Shafqat bilan munosabatda boʻladigan, shafqat qiladigan; rahmdil, mehribon.

Oh, rahmdil, shafqatli in-son ham bor ekan-ku bu dunyoda! — K. Yashin, Hamza

Bolalarning baxti uchun kambagʻal er bilan birga ishlab, tinib-tinchimagan shafqatli ona. — Oybek, Tanlangan asarlar

sft. Shafqat bilmaydigan, rahm-shafqati yoʻq; birovga achinmaydigan, rahm qilmaydigan, ayamaydigan, rahmsiz.

H. Olimjon shafqatsiz dushmanni ayovsiz kurash bilan yengishga chaqirdi. — N. Safarov, Olovli izlar

Boyoqish yigit nima qilsin, shafqat-siz, beomon taqdir yoshligidan qiynoqqa soldi. — K. Yashin, Hamza

Kim u, nima u sevgi bilan masʼud, sevgi bilan xushnud dillarni shafqatsiz nimtalagan, qon tizgʻitib timdalagan? — M. Ismoiliy, Fargʻona tong otguncha

ot Shafqatli boʻlish holati.

ot Shafqatsiz munosabat, xatti-harakat.

Mana sizga qonunbuzar qonunshunoslarning bir-biriga homiyligi-yu, jabrdiydalarga shafqatsizligi. — Mushtum

Aktrisa Zebunnisodagi bir daqiqali chaqindek oʻtib ketuvchi dagʻallik, jazava, shafqatsizlik kabi xususiyatlarni koʻrsatishdan choʻchimaydi. — Gazetadan

ruschaжестокость, насилие, принуждение, применение силыinglizchaviolence