Поиск

sft. 1. Bir joydan ikkinchi joyga koʻchib yurib xizmat qiladigan.

Sayyor koʻrgazma. Sayyor ustaxona. Sayyor kino.

2. Doimiy joydan boshqa yerga borib oʻtkaziladigan, uyushtiriladigan.

Sudning sayyor majlisi. Sayyor ilmiy sessiya.

3. Muqim turar joyidan boshqa joylarda kezib yurib, ish olib boruvchi.

Sayyor muxbir.

Unda-bunda sayyor attorlarning ip ketdi, igna ketdi kabi qichqiriqlari shahar shovqiniga madad berib turadi. — M. Ismoiliy, Fargʻona tong otguncha

4. esk. kt. ayn. Sayyoh.

Nosirboy ham boʻsh kelmaydi: — Men! Nomim Nosir sayyori Samarqandiy. — A. Qodiriy, Obid ketmon

5. Sayyor (erkaklar ismi).

ot 1. Muqim turar joyi yoʻq, darbadar kezuvchi, darbadar.

Sayding qoʻya ber, sayyod, Sayyora ekan mendek. — Furqat

2. astr. Quyosh atrofida aylanuvchi va undan nur oluvchi sharsimon osmon jismi, masalan, Merkuriy, Venera. Yer, Mars.

Maʼlumki, zamin — Yer sayyorasi Quyosh sistemasida koinotning bir kichik boʻlagi sifatida paydo boʻldi va taraqqiy etdi. — Gazetadan

3. Sayyora (xotin-qizlar ismi).