Поиск

ot esk. Ov qilingan narsa: oʻlja.

Naylayin, sayd oʻldi xoling donasiga jon qushi. — S. Abdulla

Uning sevgisi dom qoʻygan ovchiday oʻz saydini koʻzlab, bir tosh bilan ikki oʻljani qoʻlga kiritmoqchi. — U. Ismoilov, Saylanma

ot ayn. Sayil.

ot Osuda yerlarda, oromgoh, sayrgohlarda aylanib yurish, tomosha qilish, orom olish.

Bogʻ sayri. Gul sayri.

Qolmay shaharda toqatim, Qishloq chiqardim odatim. Xohi yayov, boʻlsin otim, Goh sayr ham darkor ekan. — Muqimiy

Har navbahor bu koʻkalamzorga hirotliklar ot-aravada chiqib, bir-ikki kun sayr etib, hordiq chiqarib qaytishardi. — Mirmuhsin, Meʼmor

Chaman bulbullaridek sayr etib gulzor-u bogʻlarda, Hamisha yayrab erkinlikda parvoz etgali keldik. — Habibiy, Devon

Qilmadim bir bor oʻshal gul yuzli zebo birla sayr, Qonmagay dil, aylasam ming bitta Laylo birla sayr. — E. Vohidov

ot shv. Otboqar.

ot Muayyan mavzu yoʻnalishi boʻyicha toʻplangan va shakllantirilgan, doimo yangilanib, toʻldirib boriladigan, oʻz nomi (sarlavhasi)ga ega boʻlgan maʼlumotlar yigʻindisi; elektron sahifa.

Osiyo futbol konfederatsiyasining rasmiy saytida tarqatilgan xabariga koʻra, Livan terma jamoasi Osiyo kubogi — 2007 bahslarida ishtirok etmaydi. — Gazetadan