Qidiruv

sft. 1. Oʻqish-yozishni biladigan, savodi bor.

Hamza bolalarninggina emas, kattalarning ham savodli boʻlishini istardi. — N. Safarov, Olovli izlar

Men sizni oʻqitib, savodingizni chiqarib qoʻyaman. Siz yurtingizga savodli boʻlib bora siz. — P. Tursun, Oʻqituvchi

2. Bilimli, maʼlumotli; koʻp oʻqigan, mustaqil fikrlovchi.

Onam diniy-dunyoviy kitoblarni oʻqigan, savodli, nihoyatda sabrli, mehr-u oqibatli ayol boʻlgan. — Shukrullo, Javohirlar sandigʻi

Savodli oʻz haqini tanigan boʻladi, binobarin, uni aldash oson boʻlmaydi. — K. Yashin, Hamza

ot 1. Aholi madaniy saviyasi koʻrsatkichlaridan biri: oddiy matnlarni oʻqiy olish yoki ularni oʻqish va yoza olish koʻnikmasiga egalik.

2. Odamning adabiy til meʼyorlariga muvofiq keladigan ogʻzaki va yozma nutq malakalariga egaligi.

3. Muayyan soha boʻyicha yetarli bilimga egalik.

Texnik savodlilik. Huquqiy savodlilik. Tibbiy savodlilik.

sft. Xat-savodi bor, oʻqish, yozishni biladigan.

Tursunbuva duoyi salomni oʻqitish uchun butun qishloqda biror xat-savodli kishi topolmasdan, mulla qidirib, Namanganga tushishga majbur boʻlgan edi. — Gazetadan

ot Savodi toʻliq boʻlmaslik, savodi pastlik.

[Said:] Dadamning bunday pastlab ketishlariga chalasavodliklari ham sababchi. — E. Raimov, Ajab qishloq