ot 1. Koʻrgazma, muzey zallarida turli soha va boʻlimlarga ajratilgan maxsus xona yoki boʻlmalar.
Murakkab roʻzgʻor texnikasi salonida shu yerda mavjud ehtiyot qismlardan foydalanib, dazmol, fen, elektr ustarani remont qilsa boʻladi. — Gazetadan
2. Kiyim-kechak, poyabzal, sanʼat buyumlari va shu kabilar namoyish etiladigan va sotiladigan maxsus magazin yoki uning boʻlimi.
Univermagning ayollar koʻylagi bilan savdo qiluvchi saloni.
3. Biron-bir maxsus faoliyat uchun moʻljallangan xona, zal.
4. Umuman, transportda (kema, samolyot, avtobus, trolleybus va shu kabilarda) yoʻlovchilarga ajratilgan boʻlma, xona.
Havo kemasi ohista uchib boryapti, samolyot saloni oddiy ish kunidek yoʻlovchilar bilan gavjum. — Gazetadan
- Ayollar (yoki goʻzallik) saloni Xotin-qizlarga sartaroshlik, manikyur kabi pardoz-andoz xizmatlarini koʻrsatuvchi joy.