Поиск

ot Ulugʻvor tashqi koʻrinish; savlat, mahobat.

Unda [Hamid Olimjonda] sehrli bir joziba va salobat bor edi. — Shukrullo, Javohirlar sandigʻi

Shodi Mudarrisovich dekan oʻrinbosari boʻlgandan beri gap-soʻzlari va yurish-turishida allaqanday bir oʻzgarish, sipolikka oʻxshash salobat paydo boʻlgan edi. — D. Nuriy, Osmon ustuni

Poytaxt salobati kundan-kunga oshib, Mirzo madrasasi hukumatning emas, Hirot ahlining ham diqqatini torta boshladi. — Mirmuhsin, Meʼmor

sft. 1. Ulugʻvor koʻrinishga eta boʻlgan, viqorli; savlatli, mahobatli.

Salobatli kishi. Salobatli bino.

Haqiqatan ham Gʻoyibning salobatli qiyofasi oldida Temirjon yosh boladay koʻrinardi. — J. Abdullaxonov, Oriyat

Ular Ahmadga qadrdon boʻlib ketgan salobatli va bahaybat argʻuvon daraxtiga yaqinlashdilar. — F. Musajonov, Himmat

2. Ogʻir, vazmin; oʻz vazminligi va sokinligi bilan taʼsir etuvchi; taʼsirchan.

Salobatli tun.

Shundan keyin uyda salobatli tinchlik choʻkdi. — A. Muxtor, Opa-singillar

Bosh muharrir oʻzining mayin, vazmin, shirali, salobatli ovozi bilan soʻz boshladi. — F. Musajonov, Himmat

Tashqarida bahor yomgʻiri salobatli shovullardi. — P. Qodirov, Uch ildiz

sft. Salobati yoʻq.

sft. kt. ayn. Salobatli.

Basalobat odam. Basalobat nuroniy chol.