Қидирув

от 1. Ям-яшил барра ўт, майса.

Баҳор, ҳар ён ёзилган сабза. Оҳуларда шўхлик ва ғамза. — Ғайратий

Офтоб ҳижронида тонг сабзаларга қўнди нам, Ўйлаким, киприкларимни эгди тонг гирён юки. — Э. Воҳидов, Муҳаббат

Ором олур қир сабзалари, Ухлар Бўта, ухлайди — Ойхон. Миртемир, Асарлар

2. Яшил, зумрадранг.

Сабза ўт.

Дов-дарахт, гул-у гулзорлар, сабза райҳонлар ҳам-ма ёқни ўраб олган. — Газетадан

Ёритганча то юрак ичин Сабза ўтлар шабнамга қонар. Х. Даврон.

Навбаҳор, очилди гуллар, сабза бўлди боғлар. — Муқимий

3. Оқ кишмишдан сояда қуритилган оч кўкиш майиз; сояки майиз.

от 1. Қорачадан келган, қорамағиз, буғдойранг.

Ғофиржон ака кенг елкали, ўрта бўйли, қора қош, қора кўз, сабзак юзи сал қорайган бир киши эди. — Н. Назаров, Замин

2. Қовуннинг бир нави.

Яна сабзак била умрбоқий, еган одамгадир умр боқий. — Б. Аминзода

Sabzavor

от Резавор ва полиз экинлари ҳамда уларнинг овқатга ишлатиладиган маҳсули (бодринг, карам, сабзи, пиёз, помидор ва шу кабилар).

Сабзавот экишари. Сабзавот дўкони.

Хушбўй мевалар, айниқса, кўкатлар, турли нав сабзавотлар жуда мўл йиғилди. — Ойбек, Нур қидириб

Чанқоқликни қондириш учун сабзавот, мева шарбатлари, турли қайнатма ичимликлар ҳам тавсия этилади. — Газетадан

от Ям-яшил барра ўтлар билан қопланган ер; дала, майсазор.

Шудринг маржонлари тақмиш сабзазор, Сувларга узалмиш толларнинг илки. — Миртемир

от 1. айн. Сабзавоткор.

Ҳаваскор сабзавотчи экиладиган уруғлар тўғрисида ҳам ҳозирдан бош қотириши даркор. — Газетадан

2. Сабзавот савдоси билан шуғулланувчи, сабзавот сотувчи.