Qidiruv

sft. 1. Uncha kuchli, shiddatli boʻlmagan; sekin, past.

Sust oqim. Sust olov.

Tez maslahat yovning boʻynin egdirur, Sust maslahat bul oʻljadan qoʻydurur. — Gulixiromon

Ertalab turib, gazeta varaqlashga yuragim dov bermaydi. Nega qoʻrqaman, nimaga ishonchim sust? — A. Muxtor, Asarlar

2. Sekin ish qiladigan, kamfaol, imillagan; sustkash.

Sust odam. Bozor sust. Kuli sust kosibdan oyogʻi chaqqon gadoy yaxshi. — Maqol

Omborxonalar taʼminoti sust amalga oshirilyapti. — Gazetadan

3. Lanj, boʻshashgan.

Daʼvogar sust boʻlsa, qozi muttaham boʻladi. — Maqol

ot ayn. Suvsar.

Sirkali guruch, baliq va turli dengiz mahsulotlaridan tayyorlanadigan anʼanaviy yapon taomi.

Farrux ertaga Toshkentda eng zoʻr sushi pishiradigan joyga olib boraman deb vaʼda berdi.

ot 1. Shashti pastlik, gʻayratsizlik; kuchsizlik; lanjlik.

Yigitlik — mastlik, qarilik sustlik. — Maqol

Yusufbek hoji oʻgʻlining bu sustlikka oʻxshab koʻringan holini yomonga yoʻydi. — A. Qodiriy, Oʻtgan kunlar

2. Sust odamlarga xos xatti-harakat, sust ish; sustkashlik.

Oʻrtoqlar ishga kelganda, sustlik, hafsalasizlik qilishdi. — Oybek, Oltin vodiydan shabadalar

fl. 1. Ilgarigi kuchini, shiddatini yoʻqotmoq; sekinlashmoq, pasaymoq.

Nusratbekning tashidagi titroq bir oz susaydi, sekin, vazmin, salmoq bilan odimlab ketdi. — S. Nurov, Maysalarni ayoz urmaydi

Harsillashlar susayib, tiq etgan tovush ham aniq eshitiladi. Qayerdadir, yer ostida, yumronqoziq nimanidir kemiradi. — M. Mansurov, Yombi

Nihoyat, chakkasidagi shangʻillash susayib borib, allanarsa jing etdi-yu, quloqlari ochilib ketdi. — M. Mansurov, Yombi

2. Shashtidan qaytmoq, ilgarigi gʻayratini, joʻshqinligini yoki qiziqishini yoʻqotmoq; boʻshashmoq, pusmoq.

[Kumush] Kundan-kunga Zaynabning susayib, oʻziga begonalashib borganini yaxshi anglar edi. — A. Qodiriy, Oʻtgan kunlar

3. Kuchini, taʼsirini yoʻqotmoq, kuchsizlanmoq.

U [Hakimboyvachcha] yurtdagi tinchsizlikning sababini dinning susayganidan, ulamolarning xalqqa rahbarlik qilmaganidan koʻrdi. — Oybek, Tanlangan asarlar

4. Boʻsh qoʻyilganlik natijasida orqaga ketmoq, yomonlashmoq, pasaymoq, boʻshashmoq.

Intizom susaydi.