Qidiruv

ot Arab yozuvida: yopiq boʻgʻin oxiridagi undosh ustiga qoʻyiladigan diakritik belgi (shu undoshdan keyin unli kelmasligini bildiradi).

ot 1. Hech qanday tovushning yoʻqligi; jimjitlik, sokinlik.

Sukunat maskanisan, Koʻm-koʻk musaffo samo. — Gazetadan

Qush ot qoʻshilgan arava shahar sukunatini buzib, Rafinak tomon yelib ketdi. — S. Siyoyev, Avaz

2. Sukut, soʻzsizlik.

Oʻrtaga noxush sukunat choʻkdi. — Sharq yulduzi

Sukunatni yana otaning tovushi buzdi: — Hech narsa deyolmaysan! Qaysi yuz bilan gapirasan?! — Yoshlik

sft. Sukunatga choʻkkan, sukut bosgan, sokin, jimjit.

Sukunatli kecha.

Joʻra qishloqqa yetganda, quyosh botib, kechaning sukunatli qora toʻrlari dala ustini qoplagan edi. — H. Shams, Dushman