Qidiruv

ot 1. Devorzanlik va shunga aloqador kasblarda: devor va shu kabilarning tekis, toʻgʻri chiqishi uchun ustalar tarang qilib tortib qoʻyadigan ip, sim va shu kabilar

Reja olmoq. Reja solmoq.

— Bekturdi aka, — derdi u [Qozoqboy] gʻisht terayotgan ustaga qarab, — gʻishtni yaxshi terayotgan boʻlsangiz ham, reja ipini tortib olmaganingiz yomon. — M. Qoʻshoqov, Usta yigit

2. Biror ishni tartibi bilan va oʻz vaqtida bajarish uchun oldindan belgilab olingan aniq yoki taxminiy moʻljal.

Ertangi ishga bugun reja tuz. — Maqol

Boʻron rejalarimizni buzolmaydi, taqdirimiz ham boʻronning qoʻlida emas. — Sh. Rashidov, Boʻrondan kuchli

Adolat qizlarga oʻz rejasini tushuntirdi. — I. Rahim, Chin muhabbat

[Brigada aʼzolarining] Har yili paxta tayyorlash shartnomaviy rejasini mamlakat boʻyicha birinchi boʻlib uddalashlariga oʻrganib qoldik. — Gazetadan

3. Belgili tartib, qoida, oʻlchov.

Ish rejaga tushdi.

Bu oilada yeyish-ichish belgili tartib ham rejaga tobe esa-da, har kun shirin-shirin ovqatlar tayyorlanadi. — Oybek, Tanlangan asarlar

Albatta, kampir kelinlarini roʻzgʻordan siqmasdi. Ammo rejani buzmay, masalliqni isrof qilmay ish tutardi. — S. Ahmad, Saylanma

sft. 1. Reja bilan qilinmagan, tartibsiz.

Rejasiz ish. Qolipsiz gʻisht chiqmas, rejasiz ish bitmas. — Maqol

2. Tejab-tergashni bilmaydigan, tejamsiz.

Rejasiz odam.

ot Tejab-tergab qilinmagan ish; tejamsizlik.

Ishni rejasizlik bilan bajarmoq.

sft. 1. Maʼlum bir reja asosida qurilgan; tartibli.

Rejali ish. Rejali ish buzilmas. — Maqol

Har birining [oʻt oʻchiruvchining] harakati chaqqon va rejali. — M. Xayrullayev, Tilla marjon

2. Tejab sarf qiladigan, reja bilan ish tutadigan.

Rejali ayol.

Mohira pazanda, chaqqon, saranjomli, rejali kelin edi. — M. Osim, Tilsiz guvoh

ot Reja tuzuvchi kishi.

— Rajab-beknikidagi majlisda, — dedi zaharxanda bilan [Otabek], — bu yirtqichlikning rejachi-si kim edi? — A. Qodiriy, Oʻtgan kunlar

ot ayn. Gazchoʻp 1.