Поиск

ot Ishonchga sazovorlik, tayinlilik, rostlik; eʼtibor, obroʻ.

Gʻiybatchining burdi boʻlmas, Tuhmatchining yuzi boʻlmas. — Maqol

Nigora tuhmat gaplarga ishonadi: Sherbek uning uchun bevafo, burdi yoʻq. — S. Anorboyev, Oqsoy

ot 1. Jismoniy azob; ogʻriq, kasallik.

Ogʻir dard. Dard koʻrmoq Dardga chalinmoq Dardni yashirsang, isitmasi oshkora qiladi. — Maqol

Dard chekmagan dori qadrini bilmas. — Maqol

Tanasi boshqa dard bilmas. — Maqol

Kechga tomon dard kuchayib ketdi. — A. Qodiriy, Oʻtgan kunlar

Xudoy taolo har bir dardga bir davo yaratgan. — Oybek, Tanlangan asarlar

2. Qoʻli gul ijrochiga, oʻz kasbining ustasiga yaxshilik tilab aytiladigan ibora.

Bu nasiba sizga. Sara bugʻdoy. Qoʻlingiz dard koʻrmasin, ogʻa. — S. Siyoyev, Avaz

3. koʻchma Ruhiy azob, gʻam-gʻussa, alam-hasrat.

Ayriliq dardi. Dardida yonmoq (quymoq). Dardini ichiga yutmoq •

[Fotima domlaga:] Mening hech joyim ogʻrimaydi, faqat ishq dardim bor, uf! Hamza, — Tuhmatchilar jazosi

Nihoyat, dardim yuragimdan toʻlib-toshib, baʼzi gaplarni erimga ayta boshladim. — Oybek,Tanlangan asarlar

Yuragimning dardlari Qizil gulday qatma-qat, alla. — Boychechak

Men kimga yigʻlayman, dardimni yorib. — Shirin bilan Shakar

4. koʻchma Kishining borligʻini, butun fikri-yodini band etgan narsa, ish, tashvish, orzu, xayol va shu kabilar

Uning dardi — oʻyin. Biror narsa dardida yurmoq

Shoirlik bu — ulkan dard. Shukrullo, — Saylanma

Mirzajon koʻnglida shoirlik dardi bilan tugʻilgan bola. — P. Tursun. Oʻqituvchi.

Siz nimani bilardingiz, dardingiz pul, — dedi Zumrad oyisiga. Oybek, — Zumrad

Solih Poʻlatovich shogirdlarining dardini yaxshi tushunardi. — J. Abdullaxonov, Toʻfon

Qadrdoningiz Yusufbek hojining oʻgʻli Otabek bir necha kunlardan beri benihoya bir dard bilan ogʻrir edi. — A. Qodiriy, Oʻtgan kunlar

5. koʻchma Fikr-u xayol; armon, ezgu maqsad.

Uning [Atevning] qalbi hamisha xalq quvonchi, xalq dardi, hash orzu-hislari bilan yonib, olovlanib turadi. — X. Yodgorov, Hayot toʻlqinlari

Elbekning ham oʻziga yarasha dardi, sevgisi, orzusi bor edi. — N. Fozilov, Diydor

Darding maktab ochishginami desam, hali bu yoqda gap katta ekan-u! — M. Ismoiliy, Fargʻona t.o.

6. koʻchma Ishq, muhabbat.

Layli dardida choʻl kezib yurgan Majnunning iztiroblariga yoz holati mutanosib edi. — Gazetadan

Zevarxon Malikai Hubbonning dardida yurgan edi. — Bahrom va Gulandom

ot 1. esk. kt. 1 Yakka, yolgʻiz, tanho.

Oʻzi shamsiz turib, ota-onaga chiroq yoqishni aslo tasavvur qilolmas yaʼni istiqbol Anvarning fard hayotida yolgʻiz muhabbat edi. — A. Qodiriy, Mehrobdan chayon

2. ad. Sharq mumtoz sheʼriyatida bir bayt (ikki misra)dangina iborat boʻlgan kichik, mustaqil sheʼr.

Lutfiy devonidagi bitilgan fardlardan 450 dan ortigʻi bizgacha yetib kelgan. — Fan va turmush

ot 1. Chang, un, koʻmir kabilarning yuqi.

Un gardin

Tegirmonga kirganning kiprigiga gard ilashadi. — Shukrullo, Javohirlar sandigʻi

doʻl tagida shoʻx aylanayotgan yalpoq katta tosh atrofidagi un gardlarini sidirar, tegirmon toshining gʻuv-gʻuvida hech narsa eshitilmasdi. — Sh. Toshmatov. Erk qushi.

2. koʻchma Dogʻ, nuqson.

Muborak nomiga gard yuqtirmay yashamoq.

3. koʻchma Zarra, belgi, asar, nishon.

Roʻparamda chordana qurib oʻtirgan bu ajoyib moʻysafidning boshiga yillar oppoq gardini ayamay toʻkibdi-yu, lekin vujudini soʻndirolmabdi. — A. Hasanov, Yasharish

Qoʻshiqchi anglab shu chogʻ Temiroxun dardini, Chehrasiga oʻrnashgan Qaygʻu, kulfat gardini. — Gʻayratiy

ot 1. esk. Aylana shaklidagi narsaning cheti, zihi.

Patnis girdi.

Piyola girdini oʻpib shabboda, Qimizimni shopirib ketar. — Sharq yulduzi

2. Atrof, tevarak; chegara.

Bir qiz olov girdida barmoqlarini qirsillatib, changovuz nagʻmalariga xirom etdi. — T. Murod, Qoʻshiq

ot

Kurd tili. Kurd yigiti.