Hayot Foundation loyihasi
Loyiha haqida
Oʻz
Oʻz

Qidiruv

«Razman» boʻyicha 20 ta natija: Izohli

Filtr
Boʻlim
Lugʻatlar Shevalar
Lugʻat turi
Izohli Tarjima Terminologik Frazeologik

Lugʻat maqolalari

18 ta
razm

Urush, jang.

Bazmda davolari hotamliq, razmda tilashlari rustamliq. — A. Navoiy, Mahbubul-qulub

  • Razm solmoq yoki razm solib qaramoq Nazar solmoq, sinchkovlik bilan kuzatmoq, diqqat bilan qaramoq, kuzatmoq, koʻzdan kechirmoq. Samandarov unga boshdan-oyoq razm soldi-yu, boshqa gap soʻramadi. — A. Qahhor, Qoʻshchinor chiroqlariOnaxon hovlidagi oʻzgarishlarga razm soldi. — A. Muxtor, Opa-singillarYaxshilab razm solinsa, tiniq qop-qora koʻzlari hamma vaqt hozirgiday quvnoq, yuzlarida allaqanday issiqlik boʻrtib turganday. — R. Fayziy, Choʻlga bahor keldi
Toʻliq maqola →
razil

sft. 1. Kishini jirkantiradigan; yaramas, qabih, past, tuban.

Razil odam. Razil xatti-harakat. Razil niyatlar.

Odamlar razil niyatli kimsalarga ham xizmat silaverishi mumkin. — E. Usmonov, Yolqin

Men insonni bir insonday sevardim, lekin Nechun koʻpdir haligacha razil odamlar. — A. Oripov, Yillar armoni

2. Manfur, malʼun.

Razil dushman.

Razil, makkor, yaramas Gitler dastidan Vatan tahlikada qolmishdir endi. — Gʻ. Gʻulom, Tanlangan asarlar

Toʻliq maqola →
razzoq

ot 1. din. Rizq-roʻz beruvchi (Ollohning sifatlaridan biri).

2. Razzoq (erkaklar ismi).

  • Yo razzoq! Ollohga murojaat shakli: yetishmagan yoki juda kam narsani Ollohning oʻzi koʻpaytirib, yetkazib berishiga ishonch yoki boʻlajak ishlarga Olloh madadkor maʼnosida qoʻllanadi. Ertalab dumalab turaylik-chi, keyin buvim aytmoqchi, yo razzoq!. — S. Siyoyev, Yorugʻlik— Ikki haftaga yetadigan boʻldi, u yogʻi — yo razzoq, — dedi ayam. — S. Siyoyev, Saratonda qor yogʻdiOʻsha dovonga yetaylik, u yogʻi — yo razzoq! — X. Sulton, Boburiynoma
Toʻliq maqola →
razolat

ot Yaramas, jirkanch xatti-harakat, qabih, razil ish; tubanlik, razillik.

Goʻdak qalbi oq varaqqa oʻxshatiladi. Agar ona oʻzining teran allalari bilan shu varaqqa ezgulik va nafosat misralarini tushira borsa, unda razolat va qabohatga oʻrin qolmaydi. — Saodat

Mehrdan jannatga aylansin bagʻir, Razolatni yutsin jahannamiy choh. — A. Isroilov, Biz — dunyo odamlari

[Zuhra:] Ayni oʻrni-da! Sen mening ogʻzimga urma! Bunday razolatni koʻra turib, yuz burib ketolmayman. — N. Safarov, Kimga toʻy, kimga aza

  • Razolatga tushmoq Tubanlikka yuz tutmoq.
Toʻliq maqola →
razryad

ot 1. Predmet, hodisa kabilarning oʻzaro biror belgi yoki oʻxshashligiga koʻra turi, darajasi, toifasi.

Ish razryadi. Tarif razryadi.

2. Kasb-hunar, ixtisos, sport va shu kabilar boʻyicha rasmiy tasdiqlangan malaka, mahorat darajasi.

Ikkinchi razryadga ega boʻlgan duradgor. Shaxmat boʻyicha birinchi razryad olmoq.

Bugundan boshlab shaxmat konkursida sport razryadi olgan ishqibozlarning nomlarini eʼlon qilib boramiz. — Gazetadan

Mahorat koʻrsatganlarga tegishli sport razryadlari beriladi. — Gazetadan

Harbiyda boks sportiga qiziqib, razryadni ham olibdi. — Mirmuhsin, Umid

Toʻliq maqola →
razyezd

ot 1. t. y. Qarama-qarshi tomondan kelayotgan poyezdlarning oʻtib ketishi uchun yoʻlning ikkiga ajralgan joyi; shunday joydagi kichik stansiya.

Poyezd yarim tunda Mirzachoʻlning bir razyezdiga borib toʻxtadi. — P. Qodirov, Uch ildiz

Stansiyadan oʻn besh kilometr naridagi razyezdga yetganda, parovoz tormoz berdi. — O. Husanov, Qoʻshiqchining taqdiri

2. harb. Razvedka yoki soqchilik uchun yuborilgan kichik otliq qism.

Toʻliq maqola →

Hammasini koʻrish · 18 →

Sheva materiallari

2 ta