от 1. Душман, ағёр, ёв.
Сиёсий рақиблар.
Отабек қўлларини бўшатувчи қўрбошининг бунчалик титраб-қалтирашидан ўз рақибларидан биттаси шу киши бўлганини ўйлади. — А. Қодирий, Ўтган кунлар
Вақт ўтиши билан рақиб томонлар келишиб олиши мумкин бўлган позициялар бой берилмоқда. — Газетадан
2. Бирор нарса, кимса учун талашувчилар, курашувчилар, рақобат қилувчилар (бир-бирига нисбатан).
Сўрсангиз ҳолим, азизлар, сийнаси афгорман, Қоработирдир рақибим, Зуҳра қизга ёрман. С. — Абдулла, Тоҳир ва Зуҳра
Мирвали шу пайтгача рақиб деб тахмин қилиб юрган ҳамқишлоқларининг таъзирини беришни дилига тугиб қўйди. — С. Аҳмад, Жимжитлик
Қаҳҳор шартта тўхтаб, бутун гавдаси билан рақибига юзланди. — Айтар гапингни айта қол шу ерда, юрамиз-ми энди узун-қисқа бўлиб?! — деди Тоштемир. — Ёшлик
3. Спорт ўйинлари, тортишув, мунозара ва шу кабиларда қарама-қарши томонлар (бир-бирига нисбатан).
Рустам, тўрнинг нариги томонидан туриб, тўпга сакраётган рақибини кўрди-ю, қисилган пружинадек осмонга сапчиди, шундай зарб билан урдики, тўп рақибининг бошига тегиб, чеккага учиб кетди. — Ў. Ҳошимов, Қалбингга қулоқ сол
Рақиб деганнинг киройи айтишга сўзи, муштла-шишга мушти бўлса. — Ҳ. Ғулом, Машъал